15.10.2026 | 00:05
NATO-ի նավատորմին ծառայություններ մատուցող ընկերությունը կասկածվում է 1 միլիոն եվրոյի խարդախության մեջ
Մեքսիկայի նորանշանակ դեսպանը հավատարմագրերի պատճենն է հանձնել Հայաստանի արտգործնախարարին
Քաղաքականություն
01.02.2018 | 18:31
Փետրվարի 1-ին ՀՀ արտաքին գործերի նախարար Էդվարդ Նալբանդյանն ընդունեց Մեքսիկայի Միացյալ Նահանգների նորանշանակ դեսպան Նորմա Պենսադո Մորենոյին (նստավայրը՝ Մոսկվա) հավատարմագրերի պատճենի հանձնման կապակցությամբ:
Շնորհավորելով դեսպանին նշանակման կապակցությամբ՝ նախարար Նալբանդյանը հույս հայտնեց, որ նորանշանակ դեսպանն իր գործունեությամբ նոր լիցք կհաղորդի հայ-մեքսիկական բարեկամական հարաբերությունների զարգացմանը:
Շնորհակալություն հայտնելով ընդունելության և բարեմաղթանքների համար՝ դեսպան Մորենոն վստահեցրեց, որ առավելագույն ջանքերը կներդնի՝ երկկողմ փոխգործակցության առավել խորացման ու ամրապնդման նպատակով։
Հանդիպմանը քննարկվեցին երկկողմ օրակարգի մի շարք հարցեր, մտքեր փոխանակվեցին փոխադարձ հետաքրքրություն ներկայացնող մի շարք բնագավառներում կապերի առավել ընդլայնման հնարավորությունների շուրջ:
Զրուցակիցներն ընդգծեցին միջխորհրդարանական ձևաչափով շփումների ակտիվացման, միջազգային հարթակներում համագործակցության, ինչպես նաև իրավապայմանագրային դաշտի ընդլայնման կարևորությունը:
Հանդիպման ընթացքում արծարծվեցին տարածաշրջանային և միջազգային մի շարք հրատապ խնդիրներ:
Նախարար Նալբանդյանը զրուցակցին ներկայացրեց Լեռնային Ղարաբաղի հիմնախնդրի շուրջ վերջին զարգացումները, հիմնահարցի բացառապես խաղաղ կարգավորման ուղղությամբ Հայաստանի և Մինսկի խմբի համանախագահ երկրների համատեղ ջանքերը:
