16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Եթե վարչապետի թեկնածու առաջադրվեր Կարապետյանը, դժվար է ասել՝ հեղափոխությունն ինչ զարգացում կունենար. Աղազարյան. ՏԵՍԱՆՅՈՒԹ
Քաղաքականություն
17.02.2021 | 15:00
ԱԺ «Իմ քայլը» խմբակցության պատգամավոր Հովիկ Աղազարյանն անդրադարձել է ՀՀ երրորդ նախագահ Սերժ Սարգսյանի հայտարարությանը, որ 2018թ. գարնանը իշխանությունը հանձնել է Կարեն Կարապետյանին, այլ ոչ թե Նիկոլ Փաշինյանին։
«Երբ որ երկրի ղեկավարման իր լիազորությունների ժամկետն ավարտվեց, Սերժ Սարգսյանը ընտրվեց վարչապետ և դրանից հետո ժողովրդական ճնշումը կար: Այդ ժամանակահատվածին է վերաբերում Կարեն Կարապետյանին իշխանությունը հանձնելու հարցը: Բնականաբար Սերժ Սարգսյանը կամ իր թիմը նախապես պետք է որոշած լինեին, որ իշխանությունը փոխանցում են Կարեն Կարապետյանին: Ես չեմ հասկանում, թե ինչ է նշանակում իշխանությունը փոխանցել Կարեն Կարապետյանին նաև այն առումով, որ մեկ թիմում էին՝ ՀՀԿ-ում, և թե ով կլիներ վարչապետը տվյալ պահին, դա այլ հարց է:
Այդուհանդերձ եթե ՍերԺ Սարգսյանն իր մեջ ուժ գտներ և կարողանար հրաժարվել այն հնարավորություններից, որ իրեն տրված էին՝ երկրի ղեկավարի պաշտոնում գտնվելով, հրաժարվեր իր ունեցած լծակներից ու արտոնություններից և չառաջադրվեր որպես վարչապետի թեկնածու, և վարչապետի թեկնածու առաջադրվեր Կարեն Կարապետյանը, ապա դժվար է ասել, թե հեղափոխությունն ինչ զարգացում կունենար»,- ասաց պատգամավորը:
«Եթե հիշում եք, հեղափոխությունը երկու փուլով ընթացավ՝ առաջին փուլում մերժեցին Սերժ Սարգսյանին, երկրորդ փուլում ժողովուրդն ընտրեց իր լիդերին, ում որ ցանկացավ տեսնել երկրի ղեկավարի պաշտոնում:
Կարեն Կարապետյանը դրական իմիջ ուներ, թեև խաբուսիկ՝ գեղեցիկ տեսքով ու գեղեցիկ ժպիտով, բայց էության մեջ փուչ: Այնուամենայնիվ Եթե ՀՀԿ-ն առաջադրեր Կարեն Կարապետյանի թեկնածությունը, դժվար է պատկերացնել, թե այդ դեպքում ինչ շարունակություն կունենար հեղափոխությունը, արդյո՞ք ժողովուրդը Նիկոլ Փաշինյանին կտեսներ որպես երկրի ղեկավար, թե՞ չէ: Ես կարծում եմ, որ այո, որովհետև ես կիզակետում էի, բայց բոլորը չէ, որ այդպես են կարծում, այդ թվում նաև Սերժ Սարգսյանը, որն ասում է, թե այդ ամեն ինչը անսպասելի եղավ: Իրենց համար անսպասելի եղավ, որովհետև իրենք հաշվարկներից բավականին հեռու են, չեն գնահատում ժողովրդի ուժը»,- նշեց Աղազարյանը:
Մանրամասները՝ տեսանյութում:
