01.04.2026 | 14:16
Իրանի քաղաքացիներին արգելվում է մուտք գործել ԱՄԷ-ի տարածք. Emirates Airlines-ի հայտարարությունը
Պակիստանը կրակ է բացել Հնդկաստանի դիրքերի ուղղությամբ․ հնդիկ զինվոր է զոհվել
Քաղաքականություն
04.02.2021 | 17:30
Քաշմիրի շրջանում Հնդկաստանի Զինված ուժերի զինծառայողը զոհվել է Պակիստանի կողմից արձակված կրակոցների հետևանքով։ Այս մասին այսօր հայտնել է ՏԱՍՍ-ը՝ հղում կատարելով Հնդկաստանի ՊՆ-ին։
«Պակիստանի բանակը փոքր տրամաչափի զենքերից և ծանր ականանետերից կրակ է արձակել Ջամու և Քաշմիր դաշնակից տարածքների Ռաջուրի շրջանում հնդիկ զինվորների ուղղությամբ։ Կրակոցների հետևանքով մահացու վիրավորվել է Հնդկաստանի ԶՈւ մեկ զինծառայող։ Այս տարի Պակիստանի կողմից կրակոցների հետևանքով զոհվել է մեր 4 զինծառայող», – հայտնել է գերատեսչության խոսնակը:
Ռաջուրիի միջադեպը տեղի է ունեցել այն բանից հետո, երբ չորեքշաբթի օրը Պակիստանի բանակի շտաբի պետ գեներալ Քամար Ջավեդ Բաջվան հայտարարել է, որ Իսլամաբադը և Նյու Դելին պետք է խաղաղ լուծում գտնեն Քաշմիրի խնդրին։
Հավելենք, որ Քաշմիրը վեճի առարկա է դարձել Հնդկաստանի ու Պակիստանի միջև 1947 թվականից, երբ Բրիտանական Հնդկաստանը, ստանալով անկախություն, ըստ կրոնական պատկանելության՝ բաժանվել է երկու պետության։ Այս պահին տարածաշրջանում չկա պետական սահման, նրանց տարածքները բաժանված են միայն վերահսկման գծով։ Հնդկաստանի ու Պակիստանի հարաբերությունները սրվեցին, երբ 2019 թվականի օգոստոսի 5-ին Նյու Դելին հայտարարեց Ջամմու ու Քաշմիր նահանգները երկու դաշնակցային տարածք (վարչական միավորներ, որոնք ավելի քիչ իրավունքներ ունեն, քան նահանգը) դարձնելու մասին:
Տաթև Ֆռանգյան
