20.05.2024 | 20:51
Փոխվարչապետն ընդունել է Կայունացման և զարգացման եվրասիական հիմնադրամի գործադիր տնօրենին
Ստրասբուրգում Էդվարդ Նալբանդյանը ստորագրել է ԵԽ մի շարք կոնվենցիաներ
Քաղաքականություն
24.01.2018 | 19:48
Հունվարի 24-ին Ստրասբուրգում ՀՀ նախագահի գլխավորած պատվիրակության կազմում գտնվող ԱԳ նախարար Էդվարդ Նալբանդյանը և Եվրոպայի խորհրդի Գլխավոր քարտուղար Թորբյորն Յագլանդը ստորագրել են ԵԽ մի շարք կոնվենցիաներ, տեղեկացնում է ՀՀ ԱԳՆ մամուլի ծառայությունը:
ՀՀ նախագահ Սերժ Սարգսյանի ներկայությամբ ստորագրվել են «Կինեմատոգրաֆիական համատեղ արտադրության մասին» ԵԽ (վերանայված) կոնվենցիան, Հարկային հարցերով փոխադարձ վարչական աջակցության մասին» ԵԽ կոնվենցիան (2010թ. արձանագրությամբ փոփոխված), «Ֆուտբոլային խաղերի և մարզական այլ միջոցառումների ժամանակ ապահովության, անվտանգության և սպասարկման խնդիրներին միասնական մոտեցման մասին» ԵԽ կոնվենցիան, «Ահաբեկչության կանխարգելման մասին ԵԽ կոնվենցիային կից՝ լրացուցիչ արձանագրությունը և «Մարդու օրգանների թրաֆիքինգի դեմ պայքարի մասին» կոնվենցիան:
