19.12.2025 | 18:47
Եթե մեզ հարգանքով վերաբերվեք, որևէ գործողություն չի լինի. Պուտինը՝ նոր պատերազմի հնարավորության մասին
ՀԱՊԿ քարտուղարը չգիտի՝ սիրիացի զինյալները շարունակո՞ւմ են մնալ ԼՂ-ում, թե՞ ոչ
Քաղաքականություն
02.02.2021 | 16:50
ՀԱՊԿ գլխավոր քարտուղար Ստանիսլավ Զասը չի կարողացել պատասխանել «Կոմերսանտ»-ի հարցին՝ արդյո՞ք պահպանվում է Սիրիայից զինյալների ներկայության վտանգը Լեռնային Ղարաբաղի հակամարտության գոտում։
«Մենք ղարաբաղյան հակամարտության գոտում Սիրիայից զինյալների ներկայության ու գործողությունների մասին տեղեկություններ ունեինք, թեկուզ և ընդհանուր բնույթի, և այն գնահատեցինք որպես որոշակի վտանգ։ Թե որտեղ են այժմ այդ զինյալները, այնտեղ են, թե՝ ոչ, ես կդժվարանամ այդ հարցին պատասխանել։ Այժմ իրավիճակի վերահսկումն իրականացվում է այն ուժերի կողմից, որոնք ներգրավված են այդ գործընթացում՝ խաղաղապահ ուժեր, նաև Ադրբեջանի ու Հայաստանի կողմից։ Մենք ելնում ենք այն հանգամանքից, որ ցանկացած վարձկան ու սիրիացի զինյալ պետք է լքի այդ տարածքը»,- ասել է Զասն այսօր կայացած առցանց ճեպազրույցի ժամանակ։
Հիշեցնենք՝ ԼՂ-ում պատերազմին սիրիացի վարձկանների մասնակցության մասին բազմիցս հայտնել են ինչպես ՌԴ-ի, Ֆրանսիայի, այնպես էլ Հայաստանի իշխանությունները։
Տաթև Ֆռանգյան
