Հասարակություն
01.02.2021 | 16:38Չենք խոսում այն մասին, թե ինչ չենք արել, ամեն կերպ փորձում ենք խուսափել այդ գնահատականից: Ինչ էր տեղի ունենում մինչ պատերազմը. երբ բանակի մասին խոսում էինք, ասում էին՝ բանակի մասին պետք չի խոսել, ամեն ինչ նորմալ է, բանակը քանդում եք: Բուհերի մասին էինք խոսում, էլի ասում էին՝ բուհերում ամեն ինչ նորմալ է, պետք չի խոսել: Պարզվեց՝ նորմալ չէ, ու պարզվեց շատ դառը ձևով»,- այսօր ԱԺ-ում հրավիրված «Գիտությունը որպես անվտանգության և զարգացման հենասյուն» թեմայով խորհրդարանական լսումների ժամանակ ասաց «Ռեստարտ» նախաձեռնության ներկայացուցիչ Դավիթ Պետրոսյանը:
Նրա խոսքով՝ այժմ պետք չէ խոսել գիտության ֆինանսավորման ավելացման մասին. «Իմ կարծիքով՝ սա ամենաառաջնային օրակարգը չէ: Շատ տարիների անփութության, էգոիզմի, ներխմբային շահերի սպասարկման, կոռուպցիայի, կաշառակերության, «պակազուխայի» համար մենք շատ ծանր գին ենք վճարել, ու վճարել են այն մարդիկ, ովքեր դրա համար մեղավոր չեն եղել»:
«Պետք է հստակ գնահատական տալ մարդկանց վարքագծին, թե ինչպես են վերաբերվել իրենց աշխատանքին, որ մենք հասել ենք այս օրին: Կան մարդիկ,որոնք չեն պատժվել իրենց արածների կամ չարածների համար»,- նշեց Պատրոսյանը:
Նա ընդգծեց, բուհերը մինչև հեղափոխությունը մեծամասամբ ծառայել են իշխանություններին, և այդ պատճառով էլ բուհերը չեն զարգացել: «Բուհերում գնահատվում է ոչ թե կրթությունը, այլ«զոռբայությունը», ու յախշի հասկացությունը, որ բուհերում կա, կա նաև բանակում, և պատահական չէ, որ կռվի ժամանակ կարողանում էին կռվել այն սօաները,որոնք ունեին կրթություն, բայց արդյո՞ք բանակում կրթությունը գնահատվում է… Պետք է հստակ «դիագնոզ» տալ, թե որն է խնդիրը: Սա կարգուկանոնի հաստատում է: Պետք է քանդել այս արատավոր սիստեմը՝ սովորողը «դոդիկ ա», իսկ զոռբան՝ «յազըխ» ու «խառոշի»: Եթե ուզում ենք գնալ առաջ, այս ամեն ինչը պետք է փոխվի»:
Մանրամասները՝ տեսանյութում:
