16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Եթե հայերը Շուշին իրենց քաղաքն են համարում, ապա ինչո՞ւ 28 տարվա ընթացքում այստեղ ոչինչ չեն ստեղծել․ Ալիև
Քաղաքականություն
27.01.2021 | 18:24
Իլհամ Ալիևն այսօր Լեռնային Ղարաբաղի Շուշիի շրջանում Այդին Զոհրաբօղլու Քերիմովին իր հատուկ ներկայացուցիչն է նշանակել։ Ադրբեջանական լրատվամիջոցների հաղորդմամբ՝ Ալիևը Քերիմովի հետ տեսահանդիպում է անցկացրել, որի ժամանակ հերքել է Շուշին առանց մարտերի հանձնելու մասին ՀՀ-ում հնչող որոշ հայտարարություններ։
«Տեսեք, թե ինչ են ասում Շուշիի ազատագրման մասին ՀՀ ներկայացուցիչներն ու արտերկրում նրանց հովանավորները։ Իբրև թե մեզ տվել են Շուշին, մարտեր չեն եղել, հայերը հեռացել են Շուշիից։ Սա լկտի սուտ է․․․Շուշին ազատագրելուց ադրբեջանցի զինվորներն ու սպաները հերոսություն, պրոֆեսիոնալիզմ, ֆիզիկական ուժ ու բարձր ազգային ոգի են ցուցաբերել »,- հայտարարել է Ալիևը։
Վերջինս նաև շեշտել է, թե եթե հայերը Շուշին իրենց քաղաքն էին համարում, ապա ինչու 28 տարի այնտեղ ոչինչ չեն ստեղծել։
«Շուշին մեր պատմական քաղաքն է, մենք վերադարձել ենք այդ քաղաք։ Եթե հայերն այն իրենց քաղաքն են համարում, ապա ինչո՞ւ 28 տարվա ընթացքում այստեղ ոչինչ չեն ստեղծել։ Ինչո՞ւ չեն կարողացել պահպանել Շուշիի պատմական հուշարձանները։ Բոլոր աղբյուրները չորացել են։ Յուրաքանչյուր թաղամասում աղբյուր կար, այսօր դրանցից ոչ մեկում ջուր չկա։ Լավ, եթե դա ձեր քաղաքն էր, ապա ինչո՞ւ եք չորացրել աբյուրները։ Այնտեղ ոչնչացվել են ոչ միայն մեր մզկիթները, այլև բոլոր շենքերը: Մնացել են միայն խորհրդային տարիներին կառուցված «խրուշչովկաները», որոնք կոպտորեն խախտում էին Շուշիի ճարտարապետական դեմքը: Ենթակառուցվածքների առումով Շուշին բացարձակ հետամնաց քաղաք է: Թշնամին այնտեղ ոչինչ չի ստեղծել, չի կառուցել անգամ մեկ շենք: Միայն իրենց համար մի քանի առանձնատուն են կառուցել: Դրանցից մեկը պատկանում էր խունտայի առաջնորդին, իսկ մյուսը, ասում են, հարուստ, կոռումպացված պաշտոնյայի, որը ներկայացված է Հայաստանի կառավարությունում»,- հայտարարել է Ալիևը։
Տաթև Ֆռանգյան
