17.09.2026 | 15:02
Շոյգուն հայտարարել է, թե ՀՀ-ում ՌԴ ներդրումներով ընկերությունների նկատմամբ, իբր, «ռեյդերային զավթում» է իրականացվում
«Գորշ գայլերի» նախաձեռնությամբ՝ Շուշիում ազգայնական ոգով կրթող դպրոց կկառուցվի
Քաղաքականություն
26.01.2021 | 18:45
«Գորշ գայլերի» քաղաքական թև հանդիսացող Թուրքիայի «Ազգայնական շարժում» կուսակցության առաջնորդ Դևլեթ Բահչելին հայտարարել է, որ Շուշիում դպրոց կկառուցվի։ Ինչպես հայտնում են թուրքական լրատվամիջոցները, դպրոցում կրթություն է տրվելու ազգայնական ոգուն։ Սակայն նկատենք, որ այս հանգամանքի մասին չեն բարձրաձայնում ադրբեջանական լրատվականները, այլ միայն տեղեկացնում են դպրոցի կառուցման մասին։
Բահչելին հայտարարել է, որ Ուզեիր Հաջիբեկովի անվան դպրոցի կառուցումը Շուշիում ստացել է ինչպես Ադրբեջանի, այնպես էլ Թուրքիայի ղեկավարների հավանությունը։
Վերջինս նաև ներկայացրել է դպրոցի նախագծի պլանն ու նշել, որ շուտով տեղի է ունենալու դպրոցի հիմնարկեքի արարողությունը՝ հավելելով, որ շինարարական աշխատանքների ավարտից անմիջապես հետո ուսումնական հաստատությունը կհանձնվի Ադրբեջանին։
Տաթև Ֆռանգյան
