15.10.2026 | 00:05
NATO-ի նավատորմին ծառայություններ մատուցող ընկերությունը կասկածվում է 1 միլիոն եվրոյի խարդախության մեջ
ՄԱԿ-ի անվտանգության խորհուրդը Աֆրինի հարցով արտահերթ նիստ կգումարի
Քաղաքականություն
22.01.2018 | 14:20
Ֆրանսիայի արտգործնախարար Ժան-Իվ Լե Դրիանը կոչ է արել դադարեցնել Սիրիայի քրդաբնակ Աֆրին շրջանում Թուրքիայի կողմից իրականացվող ռազմական գործողությունները: Դրիանը տեղեկացրել է նաև խնդիրը քննարկելու նպատակով ՄԱԿ-ի Անվտանգության խորհրդին արտահերթ նիստ գումարելու կոչով դիմելու մասին. տեղեկացնում է EH-ն:
Ըստ թուրքական «Demokrathaber.org» լրատվական կայքի՝ Դրիանը լրագրողների հետ հանդիպման ժամանակ ասել է, որ Աֆրինի գործողությունը Սիրիայում հումանիստար վիճակի տեսանկյունից լուրջ ռիսկեր է պարունակում:
«Պետք է կողմերը վերջ տան բախումներին և պայմաններ ստեղծեն հումանիստար օգնություն հասցնելու համար»- ասել է Ֆրանսիայի ԱԳ նախարարը:
Նշվում է, որ ՄԱԿ-ն ընդունել է ֆրանսիական կողմի առաջարկը և արդեն հայտարարություն տարածել անվտանգության խորհրդի արտահերթ նիստ գումարելու մասին:
Թուրքիայի ԱԳ նախարար Մևլութ Չավուշօղլուն էլ, արձագանքելով Անվտանգության խորհրդի արտահերթ նիստ անցկացնելու որոշմանն, ասել է. «Բոլոր նրանք, ովքեր դեմ են Թուրքիայի կողմից Աֆրինում օպերացիա անցկացնելուն, աջակցում են ահաբեկչությանը»:
Հիշեցնենք, որ պաշտոնական Անկարայի աջակցությունը վայելող «Սիրիայի ազատ բանակ» խմբավորումը Թուրքիայի օդուժի աջակցությամբ ներխուժել է Սիրիայի քրդերի վերահսկողության տակ գտնվող սիրիական Աֆրին շրջան։ Գործողության անունն է «Ձիթենու ճյուղ»։
