17.09.2026 | 18:59
Թուրք ընդդիմադիր պատգամավորը Հայաստան-Թուրքիա սահման է այցելել և կոչ է արել բացել այն
«Ուզում եք սահմանադրական հունից հանե՞լ պրոցեսները»․ ԼՀԿ նախագիծը չընդգրկվեց օրակարգ. ՏԵՍԱՆՅՈՒԹ
Քաղաքականություն
18.01.2021 | 11:08
«Ստեղծված իրավիճակն ու դրանից դուրս գալու ելքերը, նաև ՀՀ վարչապետի, Ադրբեջանի ու ՌԴ նախագահների՝ նոյեմբերի 9-ին ստորագրած հայտարարության իրավաչափությունը քններկելու վերաբերյալ» որոշման նախագիծը ԱԺ օրակարգ չընդգրկվեց:
Քվերակությունից առաջ «Իմ քայլը» խմբակցության ղեկավար Լիլիթ Մակունցն ասաց, որ իշխանությունը հրապարակել է ճանապարհային քարտեզ պատերազմի հետևանքներից հետո ստեղծված իրավիճակի հաղթահարման համար:
«Ընդդիմության հնչեցրած թեզը, թե իշխանության լեգիտիմությունը ճշգրտման անհրաժեշտություն ունի, որևէ առարկություն չեն ներկայացրել՝ նշելով, որ պատրաստ են արտահերթ ընտրության վերաբերյալ քննարկումների:
Հիմա «Լուսավոր Հայաստանն» ասում է՝ այդ ամենը մի կողմ դնենք, քննարկենք այս նախագիծը և մեր օրակարգով: Այդպես չի լինում: Ձեր գործողությունները ոչ թե խնդիրների լուծմանն ու լարվածության թուլացմանն են միտված, այլ հակառակը՝ լարվածության էսկալացմանը», – նշեց Մակունցը՝ հավելելով, որ «Իմ քայլը» նախագիծն օրակարգում ներառելուն դեմ է քվերակելու:
«Լուսավոր Հայաստան» խմբակցության ղեկավար Էդմոն Մարուքյանն արձագանքեց «Տիկին Մակունցն ասում է՝ քանի որ առաջին կետում գրված է, որ պարտության սիմվոլ վարչապետը պետք է հեռանա, հետևաբար, չենք կարող մյուս կետերն էլ դրա հետ քննարկել: Առաջարկում եմ նախագիծն ընդունել օրակարգ, դուք եկեք, ասեք, որ վարչապետը չպետք է հեռանա և շարունակենք քննարկումը: Ի՞նչ կա դրա մեջ»:
«Ուզում եք սահմանադրական հունից հանե՞ք պրոցեսները»,- ընդգծեց Մարուքյանը: Նրա դիտարկմամբ՝՝ իմքայլականներն իրենց քվերակությամբ սահմանադրական հունը փոխում են:
Մանրամասները՝ տեսանյութում:
