01.08.2026 | 23:46
Արման Ծառուկյանը հաղթեց երևանյան մենամարտում. ՏԵՍԱՆՅՈՒԹ
ՌԴ ու Ադրբեջանը կառուցողական երկխոսություն են վարում բոլոր հարցերի շուրջ․ Պեսկով
Քաղաքականություն
21.12.2020 | 16:44
Ռուսաստանն ու Ադրբեջանը կառուցողական երկխոսություն են վարում բոլոր հարցերի շուրջ, հայտարարել է ՌԴ նախագահի մամուլի քարտուղար Դմիտրի Պեսկովը՝ մեկնաբանելով Հայաստանի երկնքում ադրբեջանցի զինվորականների կողմից ռուսական ուղղաթիռի խոցման հետաքննությանն առնչվող հարցին, գրում է ՏԱՍՍ-ը։
«Մոսկվան ու Բաքուն բոլոր հարցերով գտնվում են պարբերական ու չափազանց սերտ, կառուցողական երկխոսության մեջ։ Սա ամենն է, ինչ ես կարող եմ ձեզ ասել ի պատասխան այս հարցի»,- նշել է Կրեմլի ներկայացուցիչը՝ պատասխանելով հարցին, թե ինչ է հայտնի Կրեմլին վերոնշյալ միջադեպի վերաբերյալ ադրբեջանական հետաքննության մասին։
Հիշեցնենք՝ ռուսական Մի-24-ը խոցվել էր Հայաստանի երկնքում նոյեմբերի 9-ին։ Արդյունքում զոհվել են մայոր Յուրի Իշյուկն ու ավագ լեյտենանտ Ռոման Ֆեդինան, ևս մեկ զինծառայող վիրավորվել է։ Ադրբեջանի ԱԳՆ-ից հայտարարել էին, որ ուղղաթիռը սխալմամբ է խոցվել իրենց ԶՈՒ-ի կողմից և Մոսկվային փոխհատուցում խոստացել։
Տաթև Ֆռանգյան
