20.05.2026 | 10:47
Բարիդրացիության պայմանագիրը երկարաձգվում է. Պուտինը Պեկինում բանակցել է Սի Ցզինպինի հետ
Moderna-ի պատվաստանյութի վերաբերյալ տվյալները կիբերհարձակման են ենթարկվել․ Reuters
Քաղաքականություն
15.12.2020 | 15:11
Moderna Inc․ ընկերությունը, որի համահիմնադիրն ու գլխավոր տնօրենը հայազգի գիտնական, գործարար և բարերար Նուբար Աֆեյանն է, հայտարարել է, որ ընկերության մշակած COVID-19 պատվաստանյութին վերաբերող որոշ փաստաթղթեր անօրինականորեն հասանելի են դարձել Դեղերի եվրոպական գործակալության (EMA) դեմ կիբերհարձակման արդյունքում, գրում է Reuters-ը։
Moderna-ն հայտարարություն է տարածել, որ EMA-ին ներկայացված փաստաթղթերում չի եղել որևէ տեղեկություն այն անձանց մասին, որոնք մասնակցել են փորձարկումներին, և որևէ այնպիսի տեղեկություն չկա, որպեսզի հնարավոր լինի նրանց ինքնությունը բացահայտել։
Հիշեցնենք՝ EMA-ը, որը հաստատում է Եվրամիության տարածքում օգտագործվող դեղերն ու պատվաստանյութերը, ավելի վաղ հայտարարել էր կիբերհարձակման ենթարկվելու մասին, ինչի արդյունքում հաքերներին հասանելի են դարձել Pfizer Inc․ և BioNTech ընկերությունների մշակած COVID-19 պատվաստանյութերի վերաբերյա փաստաթղթերը։
Տաթև Ֆռանգյան
