26.04.2026 | 11:38
ԵԱ-ում մրցահարթակ դուրս կգան Տաթև Հակոբյանը և Վարազդատ Լալայանը
Անհայտ հակերներ գողացել են կորոնավիրուսի դեմ պատվաստանյութի տվյալները․ BBC
Քաղաքականություն
10.12.2020 | 11:50
Ամերիկյան Pfizer ընկերությունն ու դրա գերմանական գործընկեր BioNTech-ը հայտարարել են, որ Եվրոպական դեղերի գործակալության (EMA) սերվերների վրա կիբերհարձակման արդյունքում հակերները կարողացել են հասանելիություն ունենալ այդ դեղագործական ընկերությունների կողմից մշակված Covid-19 դեմ պատվաստանյութի տեխնիկական փաստաթղթերին, գրում է BBC-ի ռուսական ծառայությունը:
Ավելի վաղ EMA- ն, որի խնդիրն է, ի թիվս այլ բաների, գնահատել և հաստատել Եվրամիության համար դեղորայքն ու պատվաստանյութերը, հայտարարել է, որ ենթարկվել է կիբերհարձակման, որի մանրամասները ընկերությունը, սակայն, չի հայտնել։
Pfizer և BioNTech-ն իրենց հերթին հայտնել են, որ EMA-ից ակնկալում են հավելյալ տեղեկություններ կիբերհարձակման մասին, սակայն գործակալությունից վստահեցրել են, որ սույն միջադեպը ոչ մի կերպ չի ազդի իրենց դիմումների դիտարկման ժամկետների վրա։
Դեռևս հայտնի չէ, թե կոնկրետ երբ է տեղի ունեցել կիբերհարձակումը, ում կողմից է իրականացվել ու ինչ տեղեկություններ են հափշտակել հակերները։
Ներկայումս EMA-ն փորձագիտական գնահատական է տալիս Pfizer և BioNTech, ինչպես նաև Moderna ընկերությունների կողմից ստեղծված պատվաստանյութերի համար։ Գործակալությունը պետք է որոշի, թե ինչքանով են դրանք անվտանգ ու արդյունավետ և արդյոք կարելի է կիրառել ԵՄ ողջ տարածքում։
Հասկանալի չէ, թե արդյոք հակերային հարձակման է ենթարկվել նաև Moderna ընկերության պատվաստանյութի փաստաթղթերը։
Տաթև Ֆռանգյան
