02.11.2026 | 17:21
Վստահության հարց կա. ՊԵԿ նախագահը` TRIPP-ում «ընդունարան» – «գրասենյակ» գործառական մոդելի մասին․ ՏԵՍԱՆՅՈՒԹ
ՌԴ-ում կֆիքսեն շաքարավազի ու բուսայուղի գինը․ Իզվեստիա
Քաղաքականություն
14.12.2020 | 11:55
Ռուսաստանում հունվարի 1-ից կարող են հաջորդ 3 ամիսների համար ֆիքսել շաքարավազի ու բուսայուղի մեծածախ ու մանրածախ գները։ Այս մասին հայտնում է ռուսական «Իզվեստիան»՝ հղում կատարելով շուկայում երկու աղբյուրի, որոնք մասնակցել են երկրում գների կայունացման հարցով մի շարք գերատեսչություններում տեղի ունեցած խորհրդակցություններին։
Բուսական յուղի գինը կարող է ֆիքսվել մեկ լիտրի համար արտադրողից գնելու դեպքում 95 ռուբլի և 110 ռուբլի մանրածախ գնի դեպքում, շաքարավազի գինը համապատասխանաբար կլինի 36 ու 45 ռուբլի մեկ կիլոգրամի համար։
«Իզվեստիայի» տեղեկությունների համաձայն՝ այս մակարդակում գների ֆիքսումն ամրագրվելու է ընկերությունների միջև պայմանավորվածությունների ձեռքբերմամբ։ Այսօր կողմերը ևս մեկ խորհրդակցություն կանցկացնեն, օրվա երկրորդ կեսին առաջարկը կուղարկվի կառավարություն։
Նախօրերին ՌԴ նախագահ Վլադիմիր Պուտինն ուշադրություն էր հրավիրել երկրում բազային սննդամթերքի գների թանկացմանը՝ նշելով, որ այս հարցում համաճարակը կապ չունի։ ՌԴ ղեկավարը նշել է շաքարի, բուսական յուղի, ալյուրի, մակարոնեղենի գների աճը ՝ այն որակելով ներքին գները համաշխարհային գներին համապատասխանեցնելու փորձ:
Տաթև Ֆռանգյան
