08.11.2024 | 12:34
Երևանի 40–ամյա բնակիչը կալանավորվել է՝ մեծաքանակ թմրամիջոցների ապօրինի շրջանառության մեղադրանքով․ ՔԿ
Բելառուսի իշխանությունները փակել են երկրի ցամաքային սահմանները
Քաղաքականություն
10.12.2020 | 13:25
Բելառուսի իշխանությունները փակում են երկրի ցամաքային սահմանները կորոնավիրուսի դեմ պայքարի շրջանակում։ Այս մասին ասվում է դեկտեմբերի 7-ի Նախարարների խորհրդի որոշման մեջ, որը հրապարակվել է այսօր՝ դեկտեմբերի 10-ին, գրում է DW-ի ռուսական ծառայությունը։
Փաստաթղթի համաձայն՝ որոշում է կայացվել «ժամանակավորապես դադարեցնել մեկնելու համար Բելառուսի Հանրապետության պետական սահմանի հատումը քաղաքացիների, ինչպես նաև մշտական կամ ժամանակավոր կացության թույլտվություն ունեցող օտարերկրացիների համար»: Որոշումն ուժի մեջ կմտնի դեկտեմբերի 21-ին:
Նշվում է, որ սահմանափակումները կիրառվելու են ճանապարհային անցակետերում, երկաթուղային կայարաններում և գետային նավահանգիստներում: Դրանք չեն տարածվում դիվանագիտական և ծառայողական անձնագրերով անձանց, պաշտոնական պատվիրակությունների, միջազգային ճանապարհային բեռնափոխադրումներ իրականացնող վարորդների, օդանավերի և նավերի անձնակազմի, գնացքների անձնակազմի, ինչպես նաև Բելառուսով տարանցիկ ճանապարհորդող անձանց վրա:
Տաթև Ֆռանգյան
