02.08.2026 | 12:57
2008-ին, երբ ձեր հայրը նախագահ էր, հորս հրավիրեցին ԱԱԾ և հայրս երեք ամիս չեկավ. Ռուբինյանը՝ Քոչարյանին․ ՏԵՍԱՆՅՈւԹ
Ֆրանսիայում հայտարարել են թռչնագրիպի բռնկման մասին
Քաղաքականություն
08.12.2020 | 15:11
Ֆրանսիայի գյուղատնտեսության նախարարությունը հայտարարել է երկրի հարավարևմտյան Լանդեսի դեպարտամենտում 6․000 բադ ունեցող թռչնաֆաբրիկայում բարձր ակտիվությամբ H5N8 թռչնագրիպի վիրուսի բռնկման մասին, գրում է ՌԻԱ Նովոստին։
«ANSES ազգային տեղեկատու լաբորատորիան այսօր հաստատել է H5N8 վիրուսով վարակումը 6.000 բադերի շրջանում` անասնապահական Բենեսի-Մարեմնե կոմունայում (Լանդեսի դեպարտամենտ), որտեղ դեկտեմբերի 5-ին մահացության բարձր ցուցանիշ է եղել»,- ասվում է նախարարության հաղորդագրությունում:
Խոսքը Ֆրանսիայում նոյեմբերի կեսերին կենդանաբանական խանութներում H5N8 վիրուսը հայտնաբերվելուց հետո առաջին անգամ ֆերմայում բռնկման մասին է։
«H5N8 վիրուսը մարդուն չի անցնում, ակտիվորեն շրջանառվում է Եվրոպայի վայրի բնությունում չվող թռչունների միջոցով»,- ասվում է հայտարության մեջ։
Անալիզների պատասխաններից հետո, որպես կանխարգելիչ միջոց, դեկտեմբերի 6-ին հրահանգվել է ոչնչացնել ֆերմայի բոլոր բադերին։
Տաթև Ֆռանգյան
