17.12.2025 | 19:29
«Սևան ստարտափ սամմիթ»-ի հիմնադիրը ՀՀ նախագահին է ներկայացրել նոր սմարթ քաղաքի կառուցման հայեցակարգի վերաբերյալ իր տեսլականը
Լևոն Տեր-Պետրոսյանը խոշոր մտավորական է, բայց իմ վերաբերմունքն իր հանդեպ խիստ բացասական է. Հովիկ Աղազարյան. ՏԵՍԱՆՅՈՒԹ
Քաղաքականություն
02.12.2020 | 13:40
Տարբեր ուժեր, նաև ՀՀ նախագահը խոսել են այն մասին, որ կարող է ստեղծվել անցումային կառավարություն, և հետո, երբ երկրում ավելի կայուն իրավիճակ կլինի, արտահերթ ընտրությունների գնալ: Խոսվում է թեկնածուների մասին և կարծիք կա, որ Նիկոլ Փաշինյանը, որպես պարտված ղեկավար, պետք է հեռանա:
Կարո՞ղ ենք որպես հաղթանակի սիմվոլ ընդունել Լևոն Տեր-Պետրոսյանին, որի պաշտոնավարման տարիներին Հայաստանը հաղթել է պատերազմում, և արդյո՞ք նրա շուրջ կարող են համախմբվել տարբեր քաղաքական ուժերը և ժողովուրդը: Factor.am-ի հետ զրույցում «Իմ քայլը» խմբակցության պատգամավոր Հովիկ Աղազարյանը, անդրադառնալով այս հարցերին, նշեց. «Այն որ քաղաքական ուժերը պահանջում են վարչապետի, իշխանությունների հրաժարականը, դրա մեջ կա տրամաբանություն. նրանք գտնում են, որ իշխանությունները ձախողել են և պետք է հեռանան: Ինձ համար զարմանալի է նախագահ Արմեն Սարգսյանի մարտնչող ակտիվիստի պահվածքը: Եթե այսօր Նիկոլ Փաշինյանը հրաժարական տա, և իշխանության գան նոր ուժեր, ապա մեծ է վտանգը և անհանգստությունը, որ այդ ուժերն ընտրությունները կկազմակերպեն հին, «բարի» մեթոդներով: Եթե այդպես չէ, ապա նրանց այդ շտապողականությունն անիմաստ է…
Ինչ վերաբերում է Լևոն Տեր-Պետրոսյանին, ես նրան գնահատում եմ որպես խոշոր մտավորական, ուժեղ վերլուծաբան, բայց իմ վերաբերմունքը նրա նկատմամբ խիստ բացասական է: Այն իրողությունները որ կան այսօր, և եղել են երեկ, նաև Լևոն Տեր-Պետրոսյանի վարած քաղաքականության հետևանք են: 94թ. մենք, այո, հաղթել ենք ճակատամարտը, բայց պատերազմը չի ավարտվել: Իսկ պատերազմում հաղթում է ոչ թե բանակը, զինվորը, այլ տնտեսությունը: Այդ ճակատամարտի հաղթանակից հետո ծնվեցին հաղթնակի հերոսներ, գեներալներ և հաղթանակի տերեր, և նրանց գործունեության արդյունքում մոտ 4 միլիոնանոց Հայաստանը դարձավ երկու միլիոն: Տնտեսությունը հիմնահատակ կործանվեց: Եվ քանի որ պատերազմը չէր ավարտվել, շարունակվում էր, և այս վերջին դրսևորումն էլ եղավ, մենք արձանագրեցիքն այդ ցավալի արդյունքները: Կրկնում եմ, այդ ամեն ինչի հիմքում ընկած էր Լևոն Տեր-Պետրոսյանի վարած քաղաքականությունը: Եթե նա կարծում էր, որ իր հանրահայտ տեսակետով (որը ես չեմ վիճարկում՝ ճիշտ էր, թե ոչ) հնարավոր էր գնալ լուծումների, ապա ինչո՞ւ հետևողական չեղավ իր իշխանության օրոք այդ լուծումն իրականացնելու համար»:
Մանրամասները՝ տեսանյութում:
