20.05.2024 | 23:30
Վերահաստատում ենք մեր խոր մտահոգությունը. Լրագրողական կազմակերպությունները՝ լրագրողների նկատմամբ ճնշումների առնչությամբ
Մինսկում կրկին բարձրացրել են բնական գազի սակագնի հարցը․EurAsia Daily
Քաղաքականություն
30.11.2020 | 14:53
Եվրասիական տնտեսական միության (ԵՏՄ) շրջանակներում դրված է բնական գազի սակագնի հարցը: Այս մասին այսօր ՝ նոյեմբերի 30-ին, հայտարարել է Բելառուսի նախագահ Ալեքսանդր Լուկաշենկոն, գրում է EurAsia Daily-ն:
«Մենք պայմանավորվել ենք, որ վերջապես կլուծենք միասնական շուկայի ու նախևառաջ, բնական գազի շուկայի խնդիրը: Միակ հարցը, որի շուրջ համաձայնեցում չկա, գազի փոխադրման արդար սակագինն է: Դա կարևոր է ինչպես մեզ, այնպես էլ մյուսների համար », – հայտարարել է նա Եվրասիական տնտեսական հանձնաժողովի կոլեգիայի նախագահ Միխայիլ Մյասնիկովիչի հետ հանդիպման ժամանակ:
Բացի այդ, Բելառուսի ղեկավարը հիշեցրել է, որ «խնդիրներ կան միության տարածք քաղաքացիական ինքնաթիռներ ներմուծելու հարցում»:
«Ղազախստանն առաջարկում է: Եվ հենց նույն Ղազախստանն առաջարկում է կադրային խնդիրը: Ես կցանկանայի լսել Ձեր դիրքորոշումն այս կապակցությամբ», – հավելել է Բելառուսի ղեկավարը:
Հիշեցնենք՝ ԵՏՄ գագաթնաժողովը նախատեսվում է անցկացնել դեկտեմբերի 11-ին։
Տաթև Ֆռանգյան
