27.08.2026 | 23:19
Ծանրամարտի Հայաստանի պատանեկան հավաքականը երկրորդ տարին անընդմեջ լավագույնն է Եվրոպայի առաջնությունում
Մոսկվան ԼՂ կարգավորման հարցով սերտ կապի մեջ է Անկարայի հետ․ ՌԴ ԱԳՆ խոսնակ
Քաղաքականություն
27.11.2020 | 15:16
Ռուսաստանը ԼՂ հիմնախնդրի կարգավորման հարցով սերտ կապի մեջ է Թուրքիայի հետ։ Այս մասին հայտարարել է ՌԴ պաշտոնական ներկայացուցիչ Մարիա Զախարովան, փոխանցում է ՌԻԱ Նովոստին։
«Թուրքիայի հետ մեր փոխգործակցության վերաբերյալ՝ այն տարվում է տարբեր ուղղություններով․ դրանք և՛ քաղաքական-դիվանագիտական կապերն են, և՛ մեր զինվորականների միջև շփումները։ Անկասկած, շփումների ուղղվածությունը տալիս են երկրների ղեկավարները, որոնք պարբերաբար քննարկում են տարածաշրջանում իրավիճակը»,- հայտարարել է Զախարովան։
Նա նաև նշել է, որ Մոսկվան կոչ է անում Լեռնային Ղարաբաղի շուրջ ստեղծված իրավիճակում ներգրավված կողմերին չքաղաքականացնել այդ տարածաշրջանում մարդասիրական դոսյեն։
Տաթև Ֆռանգյան
