18.11.2024 | 19:33
Դեռևս քննարկվում է Ուկրաինայի կողմից ՌԴ-ի խորքում հարվածների արգելքը հանելու հարցը. Ֆրանսիայի ԱԳՆ
Լեռնային Ղարաբաղում ԿԽՄԿ ներկայացուցիչների թիվը 4 անգամ կավելացվի․ Մաուրեր
Քաղաքականություն
24.11.2020 | 12:10
Կարմիր Խաչի միջազգային կոմիտեի (ԿԽՄԿ) նախագահ Պետեր Մաուրերը հայտարարել է Լեռնային Ղարաբաղում ԿԽՄԿ ներկայացուցիչների թիվը 4 անգամ ավելացնելու մասին։ Այս մասին նա հայտնել է РБК-ին տված հարցազրույցում։
«Հակամարտության բռնկման հետ միասին մենք հասկացանք, որ պետք է ավելին անենք։ Եթե մինչ պատերազմը տարածաշրջանում մեր առաքելության բյուջեն 10 միլիոն ֆունտ էր, ապա հաջորդ տարի այն կկազմի 45 միլիոն ֆունտ: Այնտեղ մենք բավականին քիչ մարդ ունեինք: Այժմ նախատեսում ենք լրացուցիչ 400-500 մարդ ուղարկել տարածաշրջան: Վերջին օրերին մենք արդեն մեծացրել ենք մեր ներկայությունը»,- հայտարարել է Մաուրերը:
ԿԽՄԿ նախագահը հավելել է, որ Կարմիր Խաչը գրասենյակներ ունի Երևանում, Բաքվում, ինչպես նաև Կոմիտեի ներկայացուցիչները վերադառնում են Ստեփանակերտ՝ ծրագրելով բացել ևս մեկ կամ երկու գրասենյակ:
Նոյեմբերի 13-ին Ռուսաստանի նախագահ Վլադիմիր Պուտինը հրամանագիր էր ստորագրել Լեռնային Ղարաբաղի հարցով միջգերատեսչական մարդասիրական արձագանքման կենտրոն ստեղծելու մասին:
Տաթև Ֆռանգյան
