28.11.2024 | 10:28
Ռոբերտ Քոչարյանը, Յուրի Խաչատուրովը և Սեյրան Օհանյանն ինքնակամ ներկայացել են դատարան, նրանց բերման չեն ենթարկել
Իսրայելը հարվածներ է հասցրել Սիրիային․ ՌԻԱ Նովոստի
Քաղաքականություն
18.11.2020 | 10:46
Իսրայելի պաշտպանության բանակը հարվածներ է հասցրել Սիրիայի զինվորականներին ու «Ալ-Քուդս» հատուկ նշանակության ուժերին։ Այս մասին հայտնել է Իսրայելի պաշտպանական բանակը թվիթերի իր միկրոբլոգում։
ՌԻԱ Նովոստիի փոխանցմամբ՝ ավելի վաղ սիրիական ՍԱՆԱ գործակալությունը հայտնել էր, որ Սիրիայի Արաբական Հանրապետության հակաօդային պաշտպանության ուժերն անդրադարձնում են իսրայելական ավիահարվածները Դամասկոսի երկնքում։ Ենթադրաբար կրակոցները վարվել են Գոլանի բարձունքի կողմից, մի քանի հրթիռ հաջողվել է խոցել։ 3 զինվորական զոհվել է, մեկը՝ վիրավորվել։
Համաձայն իսրայելական կողմի տվյալների՝ սա իրենց պատասխանն է սիրիացիներին երկու երկրները բաժանող «Ալֆա» գծի մոտերքում մի քանի ինքնաշեն պայթուցիկ նյութերի տեղակայմանը։
Իսրայելի ու Սիրիայի միջև չկան դիվանագիտական հարաբերություններ, երկու պետությունների ստեղծման օրից նրանք գտնվում են պատերազմական վիճակում։ Մասնավորապես բազմամյա տարածքային հակամարտություն ունեն Գոլանի բարձունքների կարգավիճակի շուրջ։
Տաթև Ֆռանգյան
