16.12.2025 | 13:33
Արման Ծառուկյանի մրցակիցը փոխվել է
Մոսկվան բանակցում է Երևանի և Բաքվի հետ՝ ԼՂ-ում հումանիտար կազմակերպությունների աշխատանքի շուրջ․ Լավրով
Քաղաքականություն
13.11.2020 | 19:40
Մոսկվան բանակցություններ է վարում Հայաստանի ու Ադրբեջանի հետ, որպեսզի միջազգային հումանիտար կազմակերպություններն աշխատանքներ սկսեն Լեռնային Ղարաբաղում։ Այս մասին հայտարարել է ՌԴ ԱԳ նախարար Սերգեյ Լավրովը, գրում է ՌԻԱ Նովոստին։
«Հիմա մենք մեր հայ և ադրբեջանցի գործընկերների հետ կապի մեջ ենք՝ ՄԱԿ-ի կառույցների խնդրանքով, պայմանավորվում ենք, որ նրանք ԼՂ-ում կարողանան իրենց գործունեությունը տեղայակել»,- ասել է Լավրովը Լեռնային Ղարաբաղում հումանիտար հարցերի լուծմանը նվիրված խորհրդակցության ժամանակ։
Լավրովի խոսքով՝ ՄԱԿ-ի կառույցները հետաքրքրություն են ցուցաբերում, որ «համակարգեն իրենց գործողությունները մեր խաղաղապահների, սահմանապահների ու նրանց հետ, որոնք կլուծեն մարդասիրական խնդիրները»։
«ՄԱԿ-ից դուրս՝ կա նաև Կարմիր Խաչի միջազգային կոմիտեն, որը վաղուց է աշխատում տարածաշրջանում ու ներկայություն ունի Ստեփանակերտում։ Ռազմական գործողությունների մեկնարկից հետո այդ ներկայությունը նրանք ստիպված են եղել ընդհատել, հիմա վերադարձել են և վերսկսում են իրենց աշխատանքը։ Կարմիր խաչի միջազգային կոմիտեի նախագահ Պետեր Մաուերը երեքշաբթի կլինի ՌԴ-ում, մենք ծրագրում ենք հանդիպումներ ոչ միայն ԱԳՆ-ում, այլև մեր զինվորականների, արտակարգ իրավիճակների նախարարության ներկայացուցիչների, սահմանապահների հետ»,- հավելել է Լավրովը։
Էմմա Չոբանյան
