Քաղաքականություն
10.11.2020 | 20:36
Ռուսաստանում կորոնավիրուսային ինֆեկցիայով նոր հիվանդացածների օրական աճը կազմել Է 20 հազար 977 դեպք, մեկ օրում մահացել Է 368 հիվանդ, ապաքինվելուց հետո դուրս Է գրվել 15,6 հազար մարդ: Այս տվյալները հրապարակել Է ինֆեկցիայի դեմ պայքարի օպերատիվ շտաբը:
«Վերջին օրվա ընթացքում Ռուսաստանում COVID-19 կորոնավիրուսային ինֆեկցիայի հաստատված նոր դեպքերը 85 տարածաշրջաններում հասել են 20 հազար 977-ի, այդ թվում՝ հայտնաբերվել Է 5 հազար 322 դեպք (25,4 տոկոս)՝ առանց կլինիկական դրսեւորումների»,-ասվում Է շտաբի հաղորդագրության մեջ: Նախօրյակին ՌԴ-ում գրանցվել Է կորոնավիրուսի 21 հազար 798 նոր դեպք, ինչը բացարձակ ռեկորդ Է ՌԴ-ում վարակի տարածման ողջ ժամանակաշրջանում: Առավել բարձր ցուցանիշները գրանցվում են Մոսկվայում: Ռուսաստանի մայրաքաղաքում COVID-19-ի նոր դեպքերի թվաքանակը մեկ օրում կազմել Է 5 հազար 902, նախօրյակին նույնպես արձանագրվել Է հայտնաբերված ցուցանիշների բացարձակ ռեկորդ՝ 6 հազար 897:
