28.11.2024 | 12:49
Գեներալին և Շիրակի մարզպետին խիստ նկատողություն եմ անում. Փաշինյան․ ՏԵՍԱՆՅՈՒԹ
Թրամփի շտաբից հերքել են․ բողոքի ցույցեր չեն նախատեսվում
Քաղաքականություն
09.11.2020 | 12:59
ԱՄՆ նախագահ Դոնալդ Թրամփի նախընտրական քարոզարշավի խորհրդական Ջեյսոն Միլլերը սուտ է անվանել տեղեկությունները, թե նախագահի շրջապատի մի մասը ձայների վերահաշվարկի պահանջով բողոքի ցույցեր սկսելու կոչ են արել, հայտնում է ՏԱՍՍ-ը։
Ավելի վաղ CNN-ի լրագրողներից մեկը Twitter-ում հայտնել էր, թե ԱՄՆ նախագահի փեսա և նրա ավագ խորհրդական Ջարեդ Քուշները, Թրամփի անձնական փաստաբան Ռուդոլֆ Ջուլիանին ու խորհրդական Միլլերն առաջ են քաշել բողոքի ցույցեր անցկացնելու գաղափարը։
«Դա սադրանք ու սուտ է: Դրանում բացարձակապես ոչ մի ճշմարտություն չկա»,- շեշտել է Թրամփի շտաբի խորհրդականը:
Միլլերը, միաժամանակ, հերքել է նաև լուրերը, թե Թրամփի թիմում ընտրությունների արդյունքների հետ կապված ինչ-որ տարաձայնություններ կան:
Ավելի վաղ Axios պորտալը, վկայակոչելով Միացյալ Նահանգների ղեկավարի խորհրդականներին, գրել էր, որ ԱՄՆ գործող նախագահ Դոնալդ Թրամփը ծրագրում է մի քանի հանրահավաք անցկացնել՝ փորձելով երկարացնել ձայների վերահաշվարկը մի շարք նահանգներում:
Տաթև Ֆռանգյան
