16.12.2025 | 12:45
Մոսկվան ուզում է մասնակցել TRIPP-ին,իսկ Թեհրանը դեմ է նախագծին// ԱԽ քարտուղարը Լոնդոն կմեկնի․ ԼՈՒՐԵՐ
Ալիևը նորից նույն երգն է երգում․ պատրաստ է կանգնեցնել պատերազմը
Քաղաքականություն
04.11.2020 | 11:06
Ադրբեջանի նախագահ Իլհամ Ալիևը հայտարարել է, որ Բաքուն պատրաստ է կանգնեցնել պատերազմը Ղարաբաղում, սակայն դրա համար Երևանը պետք է իր վրա պարտավորություն վերցնի «օկուպացված տարածքներից» զորքերը դուրս բերելու հարցում։
«Նախ՝ ես կարծում եմ, որ ինչքան շուտ ավարտվի այս պատերազմը, այնքան լավ կլինի․․․ Ես մեկ անգամ չէ, որ ասել եմ ու կարող եմ ևս մեկ անգամ կրկնել․․․ Եթե ՀՀ վարչապետը իր վրա պարտավորություն վերցնի մնացած տարածքների ազատագրման համար, ապա մենք պատրաստ ենք կանգնել հենց այսօր։ Դեռևս նա իր վրա նման պարտավորություն չի վերցրել»,- հայտարարել է Ալիևը La Repubblica-ին տված հարցազրույցում, փոխանցում է ՌԻԱ Նովոստին։
Խոսելով փոխզիջումների մասին, Ադրբեջանի նախագահը նշել է, որ փոխզիջումով Երևանը պետք է «ամբողջությամբ ազատի բոլոր օկուպացված տարածքները՝ համաձայն ՄԱԿ-ի ԱԽ բանաձևի ու կատարի դրա հիմնարար սկզբունքները»։
«Հիմնարար սկզբունքներում ասվում է, որ սկզբում պետք է ազատագրվի 5 շրջան, այնուհետև՝ 2 շրջան։ Մենք արդեն միակողմանիորեն ազատագրել ենք 4 շրջան։ Այս պատճառով էլ նա պետք է ասի, որ զորքերը պետք է դուրս բերվեն մնացած օկուպացված շրջաններից։ Բայց նա նման հայտարարություն չի անում»,- եզրափակել է Ալիևը։
Նկատենք, որ Ադրբեջանի նախագահը, կարծես թե, այլևս բան չի կարողանում ասել և վերջին շրջանում գրեթե բոլոր հարցազրույցներում նույն հայտարարությունն է անում՝ փորձելով քաղաքակիրթ աշխարհին ցույց տալ, թե իբրև ինքը խաղաղության կողմնակից է։
Տաթև Ֆռանգյան
