03.11.2026 | 23:29
Թրամփը հայտարարել է, որ ԱՄՆ-ը կդադարեցնի Իսրայելին տարեկան 4 միլիարդ դոլարի օգնության տրամադրումը
Իրանն ուժեղացրել է սահմանների պահպանությունը՝ ԼՂ-ում իրավիճակի սրմամբ պայմանավորված
Քաղաքականություն
23.10.2020 | 16:27
Իրանն ուժեղացրել է երկրի սահմանների հսկողությունը Լեռնային Ղարաբաղի հակամարտության գոտում ռազմական գործողությունների պատճառով։ Այս մասին այսօր հայտարարել է ԻԻՀ զինված ուժերի ներկայացուցիչ, բրիգադային գեներալ Աբոլֆազլ Շեքարչին, գրում է ՌԻԱ Նովոստին:
«Հայաստանի ու Ադրբեջանի միջև զինված բախումների և միջազգային իրավունքի ու բարիդրացիության կանոնները չպահպանելու կապակցությամբ Իրանի զինված ուժերը, ուժեղացնելով պաշտպանական գծերը, հայտարարում է, որ մեր սահմանամերձ շրջանների ու այնտեղ բնակվող մարդկանց անվտանգությունը մեզ համար կարմիր գիծ է հանդիսանում»,- ասվում է բարձրաստիճան զինվորականի հայտարարության մեջ։
Նա մատնանշել է հակամարտության գոտուց Իրանի տարածք արկերի ընկնելը՝ կողմերին խորհուրդ տալով չանցնել Իրանի կարմիր գծերը և իրենց խնդիրները լուծել երկխոսության ճանապարհով, այլապես «Իրանը չի հանդուրժի, իսկ հակարտող կողմերը, անկասկած, կզղջան»:
Տաթև Ֆռանգյան
