09.10.2026 | 15:35
Երևանում սպասվում են կարճատև անձրևներ
Մարտերը թեժ են հարավային հատվածում, զուգահեռ հրթիռակոծվում է Ստեփանակերտը. Հովհաննիսյան. ՏԵՍԱՆՅՈՒԹ
05.10.2020 | 11:13
Առավոտյան հակառակորդը լայնածավալ հարձակում է սկսել հարավային ուղղությամբ, մեր զորքերը համառ մարտեր են մղում՝ հետ շպրտելով հակառակորդին: Այս մասին այսօր հրավիրված ճեպազրույցում ասաց ՀՀ ՊՆ ներկայացուցիչ Արծրուն Հովհաննիսյանը:
«Միևնույն ժամանակ, Ադրբեջանի զինուժն ինտեսիվորեն սկսել է հրթիռակոծել Ստեփանակերտը, այս պահին տուժածների հետ կապված ճշգրտումներ են կատարվում»,- ասաց նա՝ նշելով, որ, ընդհանուր առմամբ, գիշերը համեմատաբար հանգիստ է եղել, բայց վաղ առավոտյան մարտերը սկսել են սաստկանալ:
Հովհաննիսյանը նաև նշեց, որ քիչ առաջ ապատեղեկատվություն է տարածվել ադրբեջանական կողմից, որ, իբր, ՀՀ որոշ շրջաններից հրթիռակոծվում են ադրբեջանական նշանակետերը:
«Մենք հայտարարեցինք, որ դա լիովին ապատեղեկատվություն է: Այն տեսանյութը, որը փորձել են ներկայացնել որպես ապացույց, որևէ բան չի հաստատում, թե որտեղից են կիրառվում հրթիռային հարձակումները: Դեռ հարց է՝ դա Հայաստանի հատվածից է, Արցախից, թե՞ ընդհանրապես այլ պատերազմի մասին է տեսանյութը: Մի ուշագրավ բան նկատենք. շատ հաճախ Արցախի այս կամ այն շրջաններ ուղղակի կամ անուղղակի ճանաչվում են որպես Հայաստանի մաս: Արդեն որերորդ անգամ այս գիծը տարվում է ադրբեջանական լրատվամիջոցներում»,- ասաց Արծրուն Հովհաննիսյանը:
Մանրամասները՝ տեսանյութում:
