18.11.2024 | 18:41
Շոլցը նախկինի պես համաձայն չէ Ուկրաինային TAURUS թևավոր հրթիռներ մատակարարել
Ծառուկյանի գործով դատավորին ինքնաբացարկ է հայտնվել. դատարանը հեռացել է որոշում կայացնելու. ՏԵՍԱՆՅՈՒԹ
Հասարակություն
25.09.2020 | 13:01
Երևան քաղաքի ընդհանուր իրավասության դատարանի Կենտրոնի նստավայրում ԲՀԿ առաջնորդ Գագիկ Ծառուկյանի խափանման միջոցի փոփոխման վերաբերյալ ԱԱԾ քննիչի միջնորդության քննությունը հետաձգվեց:
Դատավոր Մնացական Մարտիրոսյանին Ծառուկյանի պաշտպանները ինքնաբացարկ են հայտնել։ Այս մասին լրագրողների հետ զրույցում ասաց պաշտպաններից Երեմ Սարգսյանը: Ինքնաբացարկի վերաբերյալ որոշումը կհրապարակվի այսօր ժամը 13։30-ին։
«Մի բան պարզ էր, որ այստեղ ակնհայտ շահագրգռվածություն կար։ Պարզվում է, որ երբ պաշտպանի բողոքը հետ են ուղարկել՝ որոշակի տեխնիկական շտկումներ անելու և հետ ուղարկելու համար, տրամադրվել է ընդամենը 2 օր, այն դեպքում, երբ սովորական փորձը ցույց է տալիս, որ այդ ժամկետը 5-25 օր է լինում։ Հստակ փաստական տվյալներ ունենք, որ Վճռաբեկ դատարանի աշխատակիցներին հանձնարարություն է եղել, որպեսզի անձամբ գնան փոստային բաժանմունք և ստանան պաշտպանի կողմից Վճռաբեկ դատարանի որոշումը ստանալու վերաբերյալ հետադարձ ծանուցումը հաստատող փաստական տվյալը։ Այսինքն՝ ակնհայտ է, որ շահագրգռվածություն կա, որ ինչ-որ անձինք հանձնարարում են՝ արագություն ապահովել, ինչ-որ աշխատակիցներ էլ ջանասիրաբար գնում ու փոստերից վերցնում են և այլն»,- ասաց Երեմ Սարգսյանը։
Նա հավելեց՝ այդ ամենը կատարվել է, որ որոշումը կայացվի կոնկրետ ժամկետում:
«Ամսի 10-ին մերժվեց բողոքը, և բոլորին ուղարկեցին որոշումները, սակայն գործը չուղարկեցին, մնաց Վճռաբեկ դատարանում մինչև ամսի 17-ը։ Նույն օրը բերեցին առձեռն մուտքագրեցին Կենտրոնի դատարան։ Ինչո՞ւ, որովհետև հանկարծ փոստով չուղարկեն, ժամկետների խնդիր չլինի և այլ դատարանի հերթապահության օրով լինի»,- նշեց պաշտպանը:
Մանրամասները՝ տեսանյութում:
