19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Բոլոր ինը դատավորներն էլ կարող են հավակնել ՍԴ նախագահի պաշտոնին. Էդգար Շաթիրյան. ՏԵՍԱՆՅՈՒԹ
Քաղաքականություն
23.09.2020 | 11:39
ՍԴ նախագահի հարցը կքննարկվի Սահմանադրական դատարանի աշխատակարգային նիստում: Բնականաբար, որոշում չկա և չի էլ կարող լինել, որովհետև դատարանի թե՛ նախագահի, թե՛ փոխնախագահի ընտրության հարցը լուծվում է փակ գաղտնի քվեարկության արդյունքում: Այս մասին լրագրողների հետ զրույցում նշեց ՍԴ դատավոր Էդգար Շաթիրյանը՝ անդրադառնալով հարցին՝ կա՞ որոշում, թե ով է ՍԴ նախագահի հիմնական թեկնածուն:
Դիտարկմանը, որ Երվանդ Խունդկարյանի անունն է շոշափվում, Շաթիրյանն ասաց՝ տարբեր անուններ են շրջանառվում․ «Ես չեմ ուզում հարցը դիտարկել անձնային հարթությունում, ինձ համար առնվազն տեսականորեն դատարանի 9 դատավորներն էլ կարող են հավակնել թե՛ ՍԴ նախագահի, թե՛ փոխնախագահի պաշտոնին»:
Շաթիրյանը չպատասխանեց հարցին՝ արդյո՞ք ինքը հավակնում է լինել ՍԴ նախագահ:
«Աշխատանքային նիստը կմեկնարկի, կլինեն միգուցե առաջադրումներ, միգուցե՝ ինքնառաջադրումներ, քննարկման արդյունքում պարզ կլինի»,- նշեց ՍԴ դատավորը:
Մանրամասները՝ տեսանյութում:
