Քաղաքականություն
16.09.2020 | 17:32Սահմանադրական դատարանի շուրջ ճգնաժամը վերջացել է։ Այս մասին այսօր Ազգային ժողով-Կառավարություն հարցուպատասխանի ժամանակ հայտարարեց վարչապետ Նիկոլ Փաշինյանը՝ ընդգծելով, որ, այնուամենայնիվ, իդեալական Սահմանադրական դատարան չի ձևավորվել։
«ՍԴ դատավորների ընտրության պրոցեսում կային մարդիկ և շրջանակներ, ովքեր անընդհատ ուզում էին խոսել հեղափոխության արժեքների մասին և անընդհատ փորձում էին իրավիճակը համեմատել հեղափոխության արժեքների հետ։ Այնպիսի տպավորություն էր՝ հեղափոխության ժամանակ հեղափոխությունը կառավարած քաղաքական թիմն ընդհանրապես գաղափար չունի հեղափոխության արժեքների մասին, և մարդիկ, ովքեր հեղափոխության մասին իմացել են մայիսի 8-ից 1 շաբաթ հետո, իրենք դարձել են հեղափոխության արժեքների ջերմեռանդ պաշտպաններ։ Ո՛չ, այդպես չէ։ Ամեն իրավիճակում կան խմբեր, կան ուժեր՝ քաղաքական և ոչ քաղաքական, ովքեր ուզում են իրենց օրակարգը, իրենց շահերը, իրենց մարդկանց, իրենց թեկնածուներին, իրենց կամակատարներին, այսպես ասած, հանրության անունից որոշակի տեղերում տեղավորել: Եվ ես կարծում եմ, որ այն, ինչ տեղի է ունեցել Ազգային ժողովում, շատ կարևոր բան է տեղի ունեցել՝ Սահմանադրական դատարանի շուրջ ճգնաժամը վերջացել է, փակվել է: Արդյո՞ք սա նշանակում է, որ ձևավորվել է իդեալական Սահմանադրական դատարան, ո՛չ, չի նշանակում»,- նշեց վարչապետը։
Մանրամասները՝ տեսանյութում։
