29.09.2026 | 21:32
ՀՀ ՊՆ-ում Արման Սարգսյանն ընդունել է ՄԱԿ-ի կանանց հարցերով կազմակերպության ներկայացուցիչներին
Հունական Սամոս կղզում փախստականների ճամբարի մոտ հրդեհ է բռնկվել
16.09.2020 | 13:11
Հունական Սամոս կղզում փախստականների ճամբարի հարևանությամբ հրդեհ է բռնկվել։ Այս մասին հայտնել է Վաթիի քաղաքապետ Յորղոս Ստանցոսը, գրում է DW-ի ռուսական ծառայությունը։
Նրա խոսքով՝ կրակը բռնկվել է միգրանտների և փախստականների գրանցման կենտրոնի շրջանում։
Հրշեջներին հաջողվել է վերահսկողության տակ վերցնել իրավիճակը։ Ստանցոսի խոսքով՝ ճամբարին ոչինչ չի սպառնում։ Հրկիզման կասկածանքով մի քանի տղամարդ է ձերբակալվել։
Վաթիի ճամբարում, որը նախատեսված է 650 մարդու համար, 4.600 միգրանտ է բնակվում։ Սեպտեմբերի 15-ին այստեղ կորոնավիրուսի երկու դեպք է գրանցվել։
Հիշեցնենք, որ սեպտեմբերի 9-ին էլ հրդեհն ամբողջությամբ ոչնչացրել է հունական Լեսբոս կղզու «Մորիա» ճամբարը, որը խոշորագույնն է ամբողջ ԵՄ-ում։ Այնտեղ շուրջ 12.600 մարդ էր բնակվում՝ թույլատրելի առավելագույն 2.800-ի դեպքում։
