Քաղաքականություն
16.09.2020 | 12:55
Չարտոնված ակցիաների մեկնարկից ի վեր Մինսկն ավելի քան 750 բելառուսական ռուբլու (շուրջ 289 հազար դոլար) վնաս է կրել։ Այսօր լրագրողների հետ հանդիպմանն այս մասին ասել է Մինսկի քաղաքային գործադիր կոմիտեի պաշտոնյաներից Վլադիմիր Լեբեդը, գրում է ԲԵԼՏԱ-ն։
«Չարտոնված միջոցառումների մեկնարկից ի վեր վնասը կազմել է ավելի քան 750 բելառուսական ռուբլի։ Սովորական աշխատանքային օրը դա քաղաքին միջինում 10 հազար բելառուսական ռուբլի է արժենում։ Հանգստյան օրերից հետո այս գումարը մի քանի անգամ աճում է՝ կազմելով շուրջ 20-30 հազար բելառուսական ռուբլի։ Սրա մեջ մտնում են տարածքի մաքրումը, չարտոնված գրությունների հեռացումը և այլն։ Միջինը օրական ավելի քան հազար աշխատակից և ավելի քան 80 միավոր տեխնիկա է ներգրավվում։ Այս ամբողջ ուժերը մենք ուղղում ենք չծրագրված աշխատանքներին»,- ասել է Վլադիմիր Լեբեդը։
