10.07.2026 | 12:03
Կասիլյասը ֆուտբոլում ձևաչափի փոփոխություն է առաջարկել ԱԱ-2026-ում ջրային դադարների ֆոնին
«Մենք թույլ չենք տա, որ մի բռնակալ ոտնահարի մարդու իրավունքները ամերիկյան հողում»․ ԱՄՆ կոնգրեսականը՝ Էրդողանի թիկնապահների հարձակման մասին
Քաղաքականություն
24.05.2017 | 12:35
Կոնգրեսական Թեդ Պոն, որ ներկայացնում է Տեխասի 2-րդ կոնգրեսական շրջանը Միացյալ Նահանգների Ներկայացուցիչների պալատում, դատապարտել է Վաշինգտոնում մայիսի 16-ին Թուրքիայի նախագահ Ռեջեփ Թայիփ Էրդողանի թիկնապահների հարձակումը խաղաղ ցուցարարների վրա․ հայտնում է The Armenian Weekly-ն:
«Թուրքիայի նախագահ Էրդողանն իր հետ Վաշինգտոն է բերել մարդու իրավունքների ոտնահարման իր դաժան «սովորույթը»: Էրդողանը հարձակումներ է գործել Թուրքիայի ժողովրդավարական ինստիտուտների վրա, նսեմացրել է օրենքի գերակայությունը և խախտել Թուրքիայի քաղաքացիական ազատությունները»,- բացատրել է Պոն՝ հավելելով, որ Էրդողանը դառնում է «թուրք բռնապետ»:
«Էրդողանն իր այդ քայլով ցույց տվեց, որ չի հավատում խոսքի ազատության և խաղաղ հավաքների անցկացման ժողովրդավարական սկզբունքներին։ Բայց մենք թույլ չենք տա, որ օտարերկրյա մի բռնակալ անհետևանք խախտի այդ սրբազան իրավունքներն ամերիկյան հողի վրա»,- նշել է կոնգրեսականը։
Հիշեցնենք, որ ԱՄՆ մայրաքաղաք Վաշինգտոնում Թուրքիայի դեսպանի նստավայրի մոտ Ռեջեփ Թայիփ Էրդողանի` ԱՄՆ այցի դեմ բողոքող խաղաղ ցուցարարների վրա հարձակում էր գործել էրդողանամետ խումբը:
