03.07.2026 | 20:30
Գերմանիայի հավաքականը մնաց առանց գլխավոր մարզիչի
«Այդ տեսակ բռնություն ԱՄՆ-ի մայրաքաղաքում երբեք չէիք կարող ակնկալել»․ ԱՄՆ-ում էրդողանամետ խումբը հարձակվել է հայ, քուրդ և ասորի ցուցարարների վրա (տեսանյութեր)
17.05.2017 | 10:41
Թուրքիայի նախագահ Ռեջեփ Թայիփ Էրդողանի՝ ԱՄՆ կատարած պաշտոնական այցի դեմ բողոքարկող խաղաղ ցուցարարների վրա էրդողանամետ խումբը հարձակում է իրականացնել․ գրում է armenianweekly-ն՝ մանրամասնելով, որ դեպքը տեղի է ունեցել թուրքական դեսպանատան մոտ։
«Այդ տեսակ բռնություն ԱՄՆ-ի մայրաքաղաքում երբեք չէիք կարող ակնկալել։ Նմանատիպ բռնություն հատուկ է միայն Էրդողանի Թուրքիային կամ մեկ այլ բռնապետության»,- ասել է ԱՄՆ Հայ դատի հանձնախմբի (ANCA) գործադիր տնօրեն Արամ Համբարյանը՝ հավելելով․ «Սա անհանդուրժողականության այն տեսակն է, որ հատուկ է միայն Թուրքիան և այժմ էլ ներմուծվել է Միացյալ Նահանգներ»։
Ցույցը, որ մեկնարկել էր Լաֆայետ հրապարակում, կազմակերպվել էր Հայ դատի հանձնախմբի ու և ԱՄՆ-ում հելլենական խորհրդի կողմից։ Ցույցին մասնակցել են հայ, հույն, քուրդ, ասորական համայնքների ներկայացուցիչներ։
Արամ Համբարյանը դեպքի վայրից տեսանյութեր է հրապարակել ֆեյսբուքի իր էջում ու պատմել է, որ Թուրքիայի դեսպանի նստավայրի մոտակայքում խաղաղ ցուցարարները օգտվելով իրենց սահմանադրական իրավունքից բողոքի ակցիա են կազմակերպել ու հանկարծ փողոցի մյուս կողմից մի խումբ էրդողանամետ ցուցարարներ ճեղքելով ոստիկանական պատնեշը հարձակվել են ցուցարարների վրա:
