10.08.2026 | 22:12
ԱՄՆ-ը, Հայաստանը և Ադրբեջանը համատեղ հայտարարություն են տարածել Վաշինգտոնի խաղաղության գագաթնաժողովի տարեդարձի առթիվ
Վարակակիր դիմորդներին կտրվի ընդունելության քննություններին մասնակցելու ևս մեկ հնարավորություն. ՏԵՍԱՆՅՈՒԹ
Հասարակություն
13.07.2020 | 15:26
Ազգային ժողովի հատուկ նիստում «Իմ քայլը» խմբակցության պատգամավոր Թագուհի Թովմասյանն անդրադարձավ ընդունելության քննություններին չմասնակցած դիմորդների խնդրին։
«Բազմաթիվ ահազանգեր եմ ստացել դիմորդներից, որոնք, իրենց կամքից անկախ պատճառներով, վարակակիր են կամ կոնտակտավոր և, ըստ էության, այս ուսումնական տարում զրկվել են ուսանող լինելու բաղձալի երազանքից։ Ի՞նչ է անում կառավարությունը, պարետատունը այս խնդիրը լուծելու համար՝ հաշվի առնելով, որ ոչ ստանդարտ հիվանդության մասին ենք խոսում և շատ համատարած»,- հետաքրքրվեց պատգամավորը։
Պարետ Տիգրան Ավինյանը պատասխանեց, որ ԿԳՄՍ նախարարությանը ցուցում է տրված, որպեսզի հնարավորություն տրվի նման դիմորդներին՝ մասնակցել ընդունելության քննություններին։
«Հիմա պետք է հասկանալ այդ անձանց քանակը, որպեսզի նրանց նույնպես տրվի ընդունելության քննություններին մասնակցելու հնարավորություն»,- ասաց նա։
Մանրամասները՝ տեսանյութում։
