Դեղատների կանաչ խաչը կանոններին անհամապատասխան փակցնելու դեպքում տուգանք կսահմանվի. ՏԵՍԱՆՅՈՒԹ

Խաչմերուկների մոտ տեղադրված կանաչ խաչերը մարդիկ կարող են շփոթել լուսացույցի ազդանշանի հետ, ինչի համար դեղատների համար հստակ չափանիշներ են գործում, թե ինչպես պետք է տեղադրվեն այդ լուսային նշանները։ Սակայն չկա մարմին, որը կհետևի այդ որոշման կիրառմանը։ ԱԺ պատգամավորներ Մխիթար Հայրապետյանը, Նիկոլայ Բաղդասարյանը և Նարեկ Զեյնալյանը հեղինակել են մի նախագիծ, որով լրացվում է այս բացը։

«Խաչմերուկներում, որտեղ տեղադրված էին դեղատներ, դրանց վրա առկա կանաչ խաչերը երբեմն նույնականացվում են լուսացույցի կանաչ գույների հետ։ Հաճախակի տրանսպորտային միջոցները, նկատելով այդ կանաչ խաչը, մուտք էին գործում խաչմերուկ։ Կառավարությունն ընդունել է համապատասխան որոշում, որտեղ կարգավորել է, թե ինչ ձևով, ինչ տեսակով պետք է տեղադրվեն այդ խաչերը․ դրանք պետք է չլինեին թարթող, սահմանել են ինչ ժամկետով պետք է վառված լինեին, սակայն չկար մարմին, որը վերահսկողություն իրականացներ այդ գործառույթի վրա։ Այսպիսով սահմանվում է, թե որ մարմինն է պարտավոր վերահսկողություն իրականացնելու, այդ պարտականությունը դնելով ՀՀ առողջապահության և աշխատանքի տեսչության վրա։ Առաջին անգամ եթե համապատասխան դեղատունը իր գործառույթները չի համապատասխանեցնում կառավարության որոշման չափանիշների հետ, տեսչական մարմին նախազգուշացնում է, այնուհետև, եթե 30 օրվա ընթացքում դեղատան ղեկավարությունը չի համապատասխանեցնում կառավարության որոշման հետ, հաջորդ քայլը ՝տեսչությունը տուգանում է»,- նշեց Նիկոլայ Բաղդասարյանը՝ ներկայացնելով նախագիծը։

Մանրամասները՝ տեսանյութում։