10.08.2026 | 13:00
Էդգար Ղազարյանը` իր և թիմակիցների միջև լարվածության տեղեկությունների մասին. ՏԵՍԱՆՅՈՒԹ
Անցած շաբաթվա ընթացքում աշխարհում ամեն օր գրանցվել է կորոնավիրուսի մոտ 160, 000 նոր դեպք. ԱՀԿ
Քաղաքականություն
01.07.2020 | 22:34
Կորոնավիրուսի տարածման տեմպերն արագանում են ամբողջ աշխարհում, հայտնել է Առողջապահության համաշխարհային կազմակերպությունը (ԱՀԿ) ՝ նշելով, որ համավարակի սկսվելուց ի վեր միայն հունիսին գրանցվել է ընդհանուր դեպքերի կեսից ավելին (շուրջ 60%): Այս մասին հայտնում է The Guardian-ը:
«Անցած շաբաթվա ընթացքում ամեն օր գրանցվել է կորոնավիրուսի մոտ 160,000 նոր դեպք»,- ԱՀԿ ղեկավար Թեդրոս Ադանոմ Գեբրեիսուսը ասել է վիրտուալ ճեպազրույցի ժամանակ:
Նշենք, որ երեկ նա ասել էր, որ համավարակը «նույնիսկ մոտ չէ ավարտվելուն»:
ԱՀԿ ղեկավարը կրկին խոսել է «համապարփակ մոտեցման» մասին՝ որպես վիրուսը սանձելու լավագույն միջոց:
«Այն երկրները, որոնք իրականացրել են բազմաթիվ միջոցառումներ, ներառյալ՝ կոնտակտավորներին պարզելը և մեկուսացնելը, ֆիզիկական հեռավորության պահպանումը և դիմակ կրելը, «ճնշել են վարակի փոխանցումը և փրկել կյանքեր»,- ասել է նա:
ԱՀԿ-ն խիստ անհանգստացած է՝ տեսնելով, որ մի շարք երկրներ «չեն օգտագործել իրենց ձեռքի տակ եղած բոլոր գործիքները և դրսևորել են հատվածական մոտեցում»:
«Այս երկրներին երկար և ծանր ճանապարհ է սպասվում»,- հավելել է նա:
ԱՀԿ ղեկավարը նշել է, որ բացի գիտական մարտահրավեր լինելուց, «համավարակը նաև բնավորության փորձություն է»:
Նշենք, որ հուլիսի 1-ի դրությամբ կորոնավիրուսի հաստատված դեպքերի թիվն ամբողջ աշխարհում անցել է 10,5 միլիոնը, իսկ մահերինը՝ 511,000:
