09.10.2026 | 18:18
Մեզ դրդում են հանցագործության, թղթերը ձեռքներիս ուզում են քանդեն խանութները. տնտեսվարողների բողոքը. ՏԵՍԱՆՅՈՒԹ
Ինչպե՞ս պետք է իմ իրավունքը վերականգնվի․ հանձնաժողովը ունենալո՞ւ է այդ լիազորությունը․Ս․ Բաղդասարյան. ՏԵՍԱՆՅՈՒԹ
Հասարակություն
19.06.2020 | 19:37
«Պետական կարիքների զոհեր» հասարակական կազմակերպության ղեկավար Սեդրակ Բաղդասարյանի համար անհասկանալի է՝ ձևավորվելիք Փաստահավաք հանձնաժողովն ի՞նչ լիազորություններ է ունենալու, և եթե որևէ քաղաքացու իրավունքը խախտվել է, արդյո՞ք հանձնաժողովն այստեղ անելիք ունի։ Այս մասին Բաղդասարյանն ասաց այսօր «Փաստահավաք հանձնաժողով․ արդարության և ճշմարտության վերականգնման հնարավորություն» թեմայով քննարկման ընթացքում։
Բաղդասարյանը տարիներով ձգձգված 2 գործի մանրամասներ ներկայացրեց ու նշեց, որ ինքը մեծ ակնկալիքներ չունի այս նախաձեռնությունից։
ՀԿ ղեկավարը նաև առաջարկեց այս հանձնաժողովի կազմում ընդգրկել հենց շահառուներին․ «Հարց է ծագում, իսկ ինչո՞ւ շահառուն չպետք է ներկայացված լինի, այլ կազմակերպությունը՝ ներկայացված լինի»։
Հիշեցնենք, որ ՀՀ արդարադատության նախարարությունը մշակել և հանրային քննարկման է ներկայացրել «Հայաստանի Հանրապետության փաստահավաք հանձնաժողովի մասին» ՀՀ օրենքի և հարակից օրենքների նախագիծը։ Այս հանձնաժողովն օժտված է լինելու 1991-2018 թվականների ընթացքում Հայաստանի Հանրապետությունում տեղի ունեցած մարդու իրավունքների զանգվածային և պարբերական խախտումների դեպքերը և դրանց պատճառներն ուսումնասիրելու, դրանց վերաբերյալ տեղեկություններ հավաքագրելու և դրանց կրկնության բացառմանն ուղղված առաջարկություններով հանդես գալու իրավասությամբ:
Մանրամասները՝ տեսանյութում։
