08.11.2024 | 23:14
Վթար Աշտարակի խճուղում․ կա տուժած
Նյու Յորքը վերաբացվեց. առաջին փուլ
Քաղաքականություն
10.06.2020 | 15:15
Մոտ երեք ամիս փակ մնալուց հետո, երկուշաբթի օրը Նյու Յորքը մտավ իր վերաբացման ծրագրի առաջին փուլը՝ վերացնելով COVID-19- ի հետ կապված բազմաթիվ հիմնական սահմանափակումներ. գրում է VOA-ն:
Ըստ Նյու Յորքի նահանգային իշխանությունների, ծրագիրը թույլ է տալիս վերաբացել մանր առևտրի կետերը և կրպակները՝ միաժամանակ թույլ տալով վերսկսել շինարարությունը, արտադրությունը և մեծածախ առևտուրը:
Առաջին փուլի ընթացքում վերաբացվել են ավելի քան 30,000 շինհրապարակներ: Այս շաբաթ ակնկալվում է, որ մինչև 400,000 նյույորքցի կվերադառնա աշխատանքի, որոնցից շատերը շինարարության ոլորտում:
Նյու Յորքի Մետրոպոլիտենի տրանսպորտային գործակալության (MTA) պաշտոնյաները հայտնել են, որ քաղաքի մետրոյի ծառայությունը կաշխատի 95 տոկոսով՝ նախահամաճարակային մակարդակի հետ համեմատած:
Նյու Յորքի մանր տնտեսվարողները հատկապես մեծ վնասներ են կրել COVID-19 համավարակի ժամանակ, որի արդյունքում փոքր բիզնեսը հիմնականում փակված էր: Մանրածախ առևտրով զբաղվողներն այժմ կարող են առաջարկել իրենց ծառայությունները, սակայն փոքր բիզնեսի հիմնական խնդիրն է սահմանափակ ներկայությունն առցանց դաշտում, ինչը նրանց դարձնում է դժվար հասանելի հաճախորդների համար:
Հիշեցնենք, որ Նյու Յորքը վերջին 100 օրվա ընթացքում հայտնվել էր ԱՄՆ-ում կորոնավիրուսի համավարակի էպիկենտրոնում, որի արդյունքում քաղաքում մահացել է ավելի քան 20 հազար մարդ: Այսօր արդեն թեստավորումը տալիս է ընդամենը 2 տոկոս դրական պատասխան: Ըստ վերաբացման պահանջի ՝ թեստերի դրական ցուցանիշը կարող է կազմել 15 տոկոս, որի դեպքում հնարավոր է սկսել վերաբացումը:
Քաղաքում բժշկական դիմակների ու ախտահանիչ միջոցների կիրառումը շարունակում է դիտարկվել սովորական երևույթ: Տեղի իշխանությունները շարունակում են խրախուսել նյույորքցիներին կրել դրանք, ինչպես նաև պահպանել սոցիալական հեռավորությունը:
