10.08.2026 | 22:44
Հայաստանի մի շարք հասցեներում էլեկտրաէներգիայի անջատումներ կլինեն
Եթե մարդուն դանակահարում են, պատժի մեջ դանակի գինը մտնո՞ւմ է, թե՞ ոչ․ Լուսինե Բադալյանի հարցը՝ Միքայել Մելքումյանին. ՏԵՍԱՆՅՈՒԹ
Հասարակություն
19.05.2020 | 12:27
ԱԺ «Իմ քայլը» խմբակցության պատգամավոր Լուսինե Բադալյանը համաձայն չէ «Բարգավաճ Հայաստան» խմբակցության պատգամավոր Միքայել Մելքումյանի այն մտքի հետ, որ տուգանքների չափը որևէ կերպ կապ ունի դիմակների գների հետ։ Այս մասին պատգամավորն ասաց Ազգային ժողովի արտահերթ նիստում Վարչական իրավախախտումների վերաբերյալ օրենսգրքում լրացում և փոփոխություն կատարելու մասին օրենքի նախագծի քննարկման ժամանակ։
«Դուք կարծում եք, որ դիմակի ինքնարժեքը տուգանքի չափի հետ պե՞տք է կապ ունենա։ Թեկուզ գնի։ Այդ դեպքում ինձ այլ հարց է հետաքրքրում, եթե մարդուն դանակահարում են, պատժի մեջ դանակի գինը կամ ինքնարժեքը ինչ-որ կերպ մտնո՞ւմ է, թե՞ ոչ։ Այսինքն՝ այստեղ մենք դիտարկում ենք, թե ինչ վնաս կարող է հասցնել դիմակ չկրելը, դիմակի ինքնարժեքի հետ սա կապ կունենա՞»,- նշեց պատգամավորը։
Լուսինե Բադալյանը նաև հարց ուղղեց օրինագիծը ներկայացնող արդարադատության փոխնախարար Վահե Դանիելյանին. «Արդյո՞ք դիտարկվել է այն տարբերակը, որ ոչ թե քաղաքացին փակ տարածներում պետք է դիմակ ունենա կրելու համար, այլ ցանկացած փակ տարածքում մուտքի մոտ պետք է լինեն դիմակներ, որովհետև, կարծում եմ՝ բժիշկներն այս հարցին շատ լավ կպատասխանեն: Գրպանում և պայուսակում դիմակը պահել օրվա ընթացքում, և հետո կեղտոտ դիմակը կրելը, հնարավոր է, առողջական ավելի մեծ վնաս հասցնի»:
Մանրամասները՝ տեսանյութում։
