18.11.2024 | 09:50
Սասուն Խաչատրյանը հրաժարականի դիմում է ներկայացրել. Կոմիտեն պաշտոնապես հաստատեց
Նորապսակ զույգերը սեռական կյանքի մասին որտեղի՞ց են իմանում, քուչեքո՞ւմ, բիսեդկեքո՞ւմ․ Փաշինյան. ՏԵՍԱՆՅՈՒԹ
Հասարակություն
16.05.2020 | 15:32
Մենք ծնողներին կոչ ենք անում և ուզում ենք համակարգ ստեղծել, որ ծնողներն իրազեկված լինեն, ուշադիր լինեն և հաղորդակցություն ունենան իրենց երեխաների հետ, որպեսզի եթե սեռական ոտնձգության դեպքեր լինեն, նախ, երեխաները ճանաչեն այդ դեպքերը, երկրորդը՝ իրենց ծնողներին ասեն դրա մասին, ծնողներն էլ իմանան, որոշակի հաղորդակցություն ունենան և այդ թեման փակ չմնա։ Այս մասին այսօր առցանց մամուլի ասուլիսի ընթացքում նշեց ՀՀ վարչապետ Նիկոլ Փաշինյանը՝ անդրադառնալով օրերս Ազգային ժողովի կողմից վավերացված «Սեռական շահագործումից և սեռական բնույթի բռնություններից երեխաների պաշտպանության մասին» Եվրոպայի խորհրդի կամ Լանզարոտեի կոնվենցիային։
«Մանկապղծության դեպքերի տարածումն ինչի՞ հետ է կապված։ Որովհետև պոտենցիալ մանկապիղծները 90%-ով համոզված են, որ դրա մասին ոչ երեխան կասի, ոչ էլ ծնողը հետաքրքրված կլինի դրանով։ Այսօր դեպքերի հսկայական մասը վերաբերում է երեխաների նկատմամբ սեռական ոտնձգությանը։ Դա թեմա է, որի մասին չի խոսվում։ Բա մանկապիղծի համար դրանից ավելի լավ միջավա՞յր։ Եկեք լրջանանք այս թեմայով։ Նրանք, ովքեր ասում են, որ չպետք է լինի սեռական դաստիարակություն, ես հարց եմ տալիս․ Հայաստանում նորապսակ զույգերը սեռական կյանքի մասին որտեղի՞ց են իմանում․ քուչեքու՞մ, բիսեդկեքու՞մ, կողքից լսելո՞վ։ Դա շատ բարդ հետևանքների է բերում։ Հայաստանում այդ մասին ընդունված չի խոսել և դա վատ է»,- ասաց Փաշինյանը։
Մանրամասները՝ տեսանյութում։
Նելլի Մելքոնյան
