07.05.2024 | 23:30
ԵԽ-ն Թուրքիային կոչ է անում ազատ արձակել կալանավորված լրագրողներին
Հրաչյա Հակոբյանը քննարկում է Միքայել Մինասյանին դատի տալու հարցը
Հասարակություն
13.05.2020 | 19:30
Ազգային ժողովի «Իմ քայլը» խմբակցության պատգամավոր Հրաչյա Հակոբյանը իրավապահների հետ քննարկում է Սերժ Սարգսյանի փեսա Միքայել Մինասյանին դատի տալու հարցը: Այս մասին Factor.am-ի հետ զրույցում ասաց պատգամավորը:
Պատճառը Մինասյանի այն հայտարարություններն են, թե Փաշինյանի ընտանիքի անդամները, այդ թվում՝ Հրաչյա Հակոբյանը, ներգրավված են մաքսանենգ ծխատոտի արտահանման սկանդալում:
«Այդ խոհանոցային եթերը լրիվ նվիրված էր մի ստի, որին ես վաղուց արձագանքել եմ, հերքել եմ, բայց չգիտեմ ինչու՝ դա նոր հասավ խոհանոց, կամ պետք էր, որ ևս մեկ անգամ հիշեին: Ի դեպ, ես դատի եմ տվել 4 անձի այս ստի հետ կապված: Հիմա էլ իմ իրավաբան գործընկերների հետ քննարկում եմ Միքայել Մինասյանի՝ Միշիկի հայտարարության հետ կապված իմ անելիքները: Քննարկում եմ, չի բացառվում, որ դատական հայց կլինի: Ինչպես այդ 4 հոգին արել են նմանատիպ սուտ հայտարարություն, այդպես էլ երեկ Միշիկն է արել սուտ հայտարարություն: Ուղղակի այն 4 հոգուն կարողացել ենք ուղարկել ծանուցումներ, իսկ այս դեպքում պետք է հասկանանք, թե ինչ պետք է անենք»,- ասաց նա:
Նարեկ Կիրակոսյան
