14.10.2026 | 16:28
Թուրքիայի ԱԳ նախարարը Բաքու կայցելի․ հայտնի է՝ ինչ հարցեր է բարձրացնելու
«Իշխանությունը պետք է ազնվորեն ասի, որ էստեղ պատերազմ գնալու խնդիրն է». Առաքել Սեմիրջյանը՝ տարկետման կարգի փոփոխության մասին
Քաղաքականություն
14.11.2017 | 20:29
«Մարտի 1» ՀԿ համակարգող Առաքել Սեմիրջյանը Factor.am-ի հետ զրույցում կարծիք հայտնեց, թե «Իշխանությունն այսօր ազնվորեն չի ասում ուսանողներին, որ հիմնական խնդիրը ոչ թե բանակ գնալ-չգնալն է, այլ դրված է պատերազմ գնալ-չգնալու խնդիրը, քանի որ ներկա պայմաններում ցանկացած զորակոչիկ պատերազմ գնացող է: Այդ երեխաները պատերազմ չեն ընտրել: Իշխանությունը պետք է ազնվորեն ասի, որ պատերազմ գնալու խնդիրն է էստեղ: Դրանից հետո կարելի է քննարկել՝ օրենքը ճիշտ է, սխալ է և այլն»:
Առաքել Սեմիրջյանը համոզված է, որ առանց ընդդիմության աջակցության ուսանողների բողոքը հաջողության չի հասնի:«Առանց թեկունքում լուրջ ընդդիմության՝ բոլոր այսպիսի բողոքների դեպքում իշխանությունները ձևեր կգտնեն կրակը մարելու»,- ասաց Սեմիրջյանը՝ միևնույն ժամանակ նկատելով, որ այսօրվա դրությամբ ընդդիմությունը սարսափելի թույլ վիճակում է:
Իսկ եթե ուսանողներն ասում են, որ իրենց պայքարը քաղաքական չէ, չեն ուզում քաղաքականացնել պայքարը, ապա այն արդեն իսկ, ըստ Սեմիրջյանի, ապագա չունի:
«Եթե ուզում են քաղաքականությունից հեռանալ, ավելորդ է խոսել ապագայի մասին: Նույն իրենց էսօրվա վիճակը քաղաքական պրոցեսների արդյունք է»,- ընդգծեց մեր զրուցակիցը:
Մանրամասները դիտեք Առաքել Սեմիրջյանի հետ Factor.am-ի հարցազրույցում:
Մարինե Խառատյան
