28.10.2026 | 13:18
ԱԺ-ն վավերացրեց TRIPP-ի վերաբերյալ ռազմավարական համագործակցության համաձայնագիրը
Ոստիկանությունը խուզարկում է Ռուբեն Հայրապետյանի բնակարանը
Հասարակություն
13.12.2019 | 11:29
ՀՀ ոստիկանության հատուկ ջոկատայինները 6-րդ վարչության աշխատակիցների հետ այս պահին խուզարկություն են իրականացնում ՀՖՖ նախկին նախագահ Ռուբեն Հայրապետյանի բնակարանում և նրա անվան հետ կապվող մի քանի շինություններում:
Տեղեկությունը Factor.am– ի հետ զրույցում հաստատեց Ոստիկանության մամուլի խոսնակ Էդգար Ջանոյանը։ Ջանոյանը նաև ասաց, որ խուզարկությունը իրականացվում է հարուցված քրեական գործի շրջանակներում, թե ինչ գործի մասին է խոսքը չմանրամասնեց։
Factor.am-ը դեռևս ամիսներ առաջ գրել էր Հայրապետյանի շուրջ ծավալվող իրավական գործընթացների մասին։ Մասնավորապես հղում անելով իրավապահ համակարգի և ՀՖՖ-ի մեր աղբյուրներին, տեղեկացրել էինք, որ 6-րդ վարչությունն ուսումնասիրում է փողերի յուրացման աղմկոտ դեպք, որը կապված է ֆեդերացիայի նախկին ղեկավարության գործունեության հետ:
Լիլիթ Շաբոյան
