31.03.2026 | 23:28
Իրանը հերքում է Թուրքիայի ուղղությամբ հրթիռային հարձակումը և կրկին համատեղ հետաքննություն առաջարկում
Բանակը ապակրոնական կառույց պետք է լինի, մինչդեռ զինվորներին այսօր հավատաքննության են ենթարկում. իրավապաշտպան
Հասարակություն
11.10.2017 | 15:19
Հայաստանի Հելսինկյան կոմիտեի նախագահ Ավետիք Իշխանյանը կողմ է, որպեսզի բուհերում լինեն ռազմական ամբիոններ, և կարծում է, որ բուհերի ուսանողները կարող են լինել շատ ավելի լավ սպաներ, քան անգամ ռազմական ուսումնարանն ավարտած սպաները:
Իշխանյանը, սակայն, հարց բարձրացրեց, թե ինչու է օրենքով ամրագրվում, որ բոլորը` այդ թվում և բուհերի ուսանողները, պիտի գնան բանակ, սակայն հոգևոր ճեմարանի սաները` ոչ: «Ես հարգում եմ Հայ առաքելական եկեղեցու բոլոր հետևորդներին, նաև Ձեզ` պարոն նախարար, որ այդ եկեղեցու հետևորդն եք: Բայց կներեք` բանակը պետք է լինի ապակրոնական ևառույց: Եվ եթե Մոնթե Մելքոնյանը լիներ պաշտպանության նախարար, արդյոք նա բանակը պետք է տաներ դեպի Ավետարանական եկեղեցի: Նա ինքը ավետարանական եկեղեցու անդամ էր»,- Աժ-ում «Զինապարտության և զինվորական ծառայության մասին օրենսդրական նոր կարգավորումների վերաբերյալ» թեմայով խորհրդարանական լսումների ընթացքում հարց հնչեցրեց իրավապաշտպանը:
Նա նշեց, որ գիտի բազմաթիվ դեպքեր, և կարող է դրանք ներկայացնել, երբ բանակում հավատաքննության է իրականացվել. «Մինչդեռ բացի Եհովայի վկաներից` բանակ են զորակոչվում նաև այլ կրոնական կազմակերպությունների անդամներ, որոնք ծառայում են նաև առաջնագծում: Բայց նրանց` աթեիստների, ագնոստիկների զավակներին, ստիպում են հետևել Հայ առաքելական եկեղեցու կանոններին, խաչ համբուրել և այլն, և այլն: Այդ ամենը, իմ կարծիքով, բանակի մարտունակությունը ցածրացնում է»,- եզրափակեց իրավապաշտպանը:
