17.11.2024 | 22:46
Փաշինյանը մեկնում է Վատիկան, հանդիպելու է Հռոմի Պապին
Թրամփի և Էրդողանի առանձնազրույցը մեկ ժամից ավելի է տևել, որից հետո սենատոր Լինսի Գրահամը «վետո» է կիրառել Ցեղասպանության բանաձևի նկատմամբ
Քաղաքականություն
14.11.2019 | 10:13
ԱՄՆ նախագահ Դոնալդ Թրամփի ու Թուրքիայի նախագահ Ռեջեփ Թայիփ Էրդողանի բանակցությունները տևել են մեկ ժամ 15 րոպե: Այս մասին հայտնում է ТАСС -ը՝ հղում անելով թուրքական Անադոլու գործակալությանը:
Սպիտակ տանը նախագահների հանդիպումն անցել է մամուլի ներկայացուցիչների համար փակ ռեժիմում՝ առանձնազրույցի ձևաչափով: Apa Թրամփն ու Էրդողանը շարունակել են բանակցություններն ընդլայնված ձևաչափով:
Ավելի վաղ Սպիտակ տան ղեկավարը հայտնել էր թուրք գործընկերոջ հետ ռուսական զենիթահրթիռային С-400 համակարգերի և ամերիկյան F-35 կործանիչների գնման հարցը քննարկելու մտադրության մասին: Թրամփը հայտնել էր նաև, որ հնարավոր է, երկրների միջև ապրանքաշրջանառության ծավալը հասնի 100 մլրդ դոլարի:
Քաղաքագետ Սուրեն Սարգսյանը ֆեյսբուքյան գրառմամբ տեղեկացրել է, որ վետո է կիառվել Ցեղասպանության բանաձևի նկատմամբ: «Տեղի ունեցավ այն, ինչից խուսափում էինք: Սենատոր Լինսի Գրահամը «վետո» կիրառեց Ցեղասպանության բանաձևի նկատմամբ: Դա տեղի ունեցավ Թրամփ-Էրդողան հանդիպումից հետո, որին մասնակցում էր Սենատորը»,- գրել է նա:
