15.10.2026 | 15:04
Իսրայելի նախագահը Թուրքիայի օդային տարածքի արգելքը շրջանցելու համար Բաքու է մեկնել AZAL-ի չվերթով՝ անցնելով նաև ՀՀ տարածքով
Լևոն Արոնյանը «ողջ մնաց» Արմագեդոնում և անցավ եզրափակիչ
22.09.2017 | 13:03
Թբիլիսիում ընթացող շախմատի աշխարհի գավաթի խաղարկության կիսաեզրափակչում Լեւոն Արոնյանը հաղթեց ֆրանսիացի Մաքսիմ Վաշյե-Լագրավին եւ անցավ եզրափակիչ:
Գրոսմայստերների դիմակայությունը շատ համառ էր: Թայ-բրեյքի (կարճեցված ժամանակով պարտիաներ) վեց պարտիաները չպարզեցին հաղթողին: «Արմագեդոնի» որոշիչ պարտիայում հայ գրոսմայստերը սպիտակներով էր խաղում եւ կանոնների համաձայն, պետք է հաղթանակ տաներ:
Արոնյանը գերազանց կատարեց խնդիրը՝ ստիպելով մրցակցին հանձնվել 78-րդ քայլում: Խաղի ընդհանուր հաշիվը 5:4 է:
Կիսաեզրափակչի մյուս՝ Դին Լիժեն (Չինաստան) – Ուեսլի Սո (ԱՄՆ) զույգի թայ-բրեյքում 2.5:1.5 հաշվով (ընդհանուր հաշիվ՝ 3.5:2.5) հաղթանակ տարավ չինացի գրոսմայստերը:
Սեպտեմբերի 22-ը շախմատիստների համար հանգստի օր է, իսկ սեպտեմբերի 23-ից 27-ը կկայանա եզրափակչի Արոնյան – Դին Լիժեն դիմակայությունը: Ի տարբերություն նախորդ փուլերի, եզրափակչում կխաղացվի չորս պարտիա, իսկ անհրաժեշտության դեպքում հաղթողը կրկին կորոշի թայ-բրեյքում:
