15.10.2026 | 15:50
Ուկրաինայի ՊՆ-ն հայտնել է Starlink համակարգերի աշխատանքի լիովին վերականգնման մասին
Պակիստանում դպրոցի տանիքի փլուզման հետևանքով առնվազն 28 մարդ է զոհվել, այդ թվում՝ աշակերտներ
Քաղաքականություն
15.10.2026 | 14:47
Պակիստանի Փեշավար քաղաքի պաշտոնյաները հինգշաբթի հաստատել են, որ քաղաքի Աֆրիդի Աբադ շրջանում տարրական դպրոցի տանիքի փլուզման հետևանքով զոհվել է մինչև 13 տարեկան առնվազն 27 աշակերտ։ Զոհվել է նաև մեկ ուսուցիչ, գրում է DW-ն։
Զոհերի մարմինները, ինչպես նաև վիրավորում ստացած ավելի քան 40 մարդու, տեղափոխել են հիվանդանոց։ Փրկարարները փլատակներում որոնել են հնարավոր ողջ մնացածներին։
«Մենք դուրս ենք բերել առնվազն 45 երեխայի»,- հայտնել է շրջանի արտակարգ իրավիճակների ծառայության պատասխանատու Իֆթիխար Խանը։
Ըստ նրա՝ ենթադրվում է, որ դեռևս երեխաներ կան փլատակների տակ։
Հիվանդանոցում գտնվող ուսուցչուհին լրագրողներին պատմել է, որ դպրոցը երեկ հարկանի է եղել, ավելի քան 1,200 աշակերտ ու աշխատակից է ունեցել։ Աղետի պատճառը դեռևս պարզ չէ։
Պակիստանի տեղական լրատվամիջոցները նշում են, որ շենքերի կառուցման համար սահմանված ցածր չափանիշների և դրանց պատշաճ պահպանման բացակայության պատճառով նման միջադեպերը երկրում գնալով ավելի հաճախակի են դառնում։
Հուլիսին Ումերկոտ քաղաքի մերձակայքում երեք աղջիկ էր զոհվել, երբ պետական դպրոցի արտաքին պատը փլուզվել էր։ Նույն ամսին Լահորում մեկ երեխա է զոհվել, ևս հինգը՝ վիրավորվել, երբ փլուզվել է կառուցման փուլում գտնվող մասնավոր դպրոցի տանիքը։ Մեկ ամիս առաջ Լահորում մասնավոր ուսումնական կենտրոնում նմանատիպ միջադեպի հետևանքով զոհվել էր 14 երեխա։ Դրանից կարճ ժամանակ առաջ ևս մեկ նման դեպք էր գրանցվել Դերա Գազի Խան քաղաքում։
Թարգմանությունը՝ Էմմա Չոբանյանի
