04.02.2026 | 18:16
Սաուդյան Արաբիայում «որոնում» են Կրիշտիանու Ռոնալդուին․ ԼՈՒՍԱՆԿԱՐ
Ոստիկանությունը բերման է ենթարկում քաղաքացիների․ ՏԵՍԱՆՅՈՒԹ
Քաղաքականություն
19.08.2019 | 15:13
Ազգային ժողովի դիմաց լարված իրավիճակ է առաջացել այն բանից հետո, երբ Բաղրամյան 26-ի մոտից խորհրդարանին մոտեցած ցուցարարներին ոստիկանները թույլ չտվեցին ԱԺ այգում հանրային քննարկում անցկացնել: Հիշեցնենք, որ Նիկոլ Փաշինյանն այսօր Ամուլսարի հարցով քննարկում է հրավիրել:
Ակցիայի մի քանի մասնակիցներ փակել են Բաղրամյան պողոտան: Տարածքում մեծ թվով ոստիկաններ կան, որոնք քաղաքացիներին հորդորում են բացել պողոտայի երթևեկելի հատվածը:
Իրավապահները փորձում են բերման ենթարկել բնապահպան ակտիվիստ Անի Խաչատրյանին և այլ քաղաքացիների:
Նշենք, որ 2 ոստիկան փորձեցին խոչընդոտել նաև Factor.am-ի թղթակցի աշխատանքը՝ նրան թույլ չտալով մոտենալ բերման ենթարկվածներին տեղափոխել պատրաստվող մեքենային: Բաղրամյան պողոտայում ոստիկանական գործողությունները ղեկավարող իրավապահը, սակայն, գործընկերներին հորդորեց բաց թողնել լրագրողին:
Մանրամասները՝ տեսանյութում:
