«Ադալժենի» չենք անում ձեզ, հարգելի ընդդիմադիրներ․ Էդգար Առաքելյանը բացում է ընդդիմադիրների աչքերը․ ՏԵՍԱՆՅՈՒԹ

Ազգային ժողովի նախագահ Արարատ Միրզոյանը խորհրդարանի քննարկմանն է ներկայացրել «Ազգային ժողովի կանոնակարգ» սահմանադրական օրենքում փոփոխություններ և լրացումներ կատարելու մասին» և կից ներկայացված նախագծերի փաթեթը։

Նախագծով առաջարկվում է ընդլայնել Կառավարության ու Ազգային ժողովի լիազորությունները, փոփոխություն է նախատեսվում ՏՄՊՊՀ-ի ու ՀԾԿՀ-ի մասին օրենքներում։

Առաջարկվում է փոխել Տնտեսական մրցակցության պետական պաշտպանության հանձնաժողովի և Հանրային ծառայությունները կարգավորող հանձնաժողովի ձևավորման սկզբունքները և հանձնաժողովների առաջին կազմի նախագահների լիազորությունները դադարելուց կամ դադարեցվելուց հետո հանձնաժողովի նախագահի թափուր պաշտոններում թեկնածու առաջադրելու իրավունքը վարչապետի փոխարեն տալ Կառավարությանը:

Հանձնաժողովների անդամների թափուր պաշտոններում թեկնածուներին հաջորդաբար առաջադրում են Կառավարությունը, Ազգային ժողովի կառավարող և ընդդիմադիր խմբակցությունները:

Ընդդիմադիր որոշ պատգամավորներ քննադատեցին այս փոփոխությունները՝ նշելով, որ այն իմիտացիոն բնույթ է կրում և միևնույնն է, այդ հանձնաժողովների կայացրած որոշումների վրա ընդդիմությունն ազդելու լծակներ չի ունենալու։

Անդրադառնալով  այս քննադատություններին՝ ԱԺ «Իմ քայլը» խմբակցության պատգամավոր Էդգար Առաքելյանը նշեց, որ ընդդիմությանն ինքնավար մարմիններում թեկնածուներ առաջադրելու ԱԺ նախագահի ներկայացրած նախագծի վերաբերյալ քննադատություններն անհասկանալի են։

«Հարգելի ընդդիմադիր գործիչներ, ես ուզում եմ բացել ձեր աչքերը, այս նախագիծը նվեր չէ ձեզ, «ադալժենի» չենք անում, ընդդիմության  քվոտան չի սա և ոչ էլ կարկանդակից օգտվելու հրավեր, այլ ընդամենը կարիք ունենք ինքնավար մամիններում ապահովել անկախություն և ունենալ կոռուպցիայից զերծ մարմիններ»,- ասաց  Առաքելյանը։

Մանրամասները՝ տեսանյութում։